.jpg)
افغانستان ساغلیقنی سقلش وزیرلیگی وزیری فیروزالدین فیروزنینگ ایتیشیچه، بوندن آلدین هرات ولایتی گه آلیب کیلینهدیگن ییگولیک ماده صفتی کابلده اولچنهدی ایکن و مذکور ولایتده صفت اولچهیدیگن لابراتوار ایجاد ایتیلیشی بیلن صفتسیز ییگولیک ماده آلیب کیلینیشی آلدی آلینهدی.
جناب فیروزنینگ ایتیشیچه، بو لابراتوار آچیلگنیدن سونگ، چیتایلدن آلیب کیلینهدیگن ییگولیک ماده صفتی اولچهنیشی اوچون ولایت بندری ده توختهتیب قوییلمهیدی.
هرات ولایتیده ییگولیک ماده بیرلیگی باشلیغی محمدکبیر اکبرزاده نینگ ایتیشیچه، ییگولیک ماده صفتینی اولچهیدیگن لابراتوار سوداگرلرگه قولیلیک یرهتهدی.
هرات محلی مسؤوللریدن بیرقطاری، بو لابراتوار آچیلیشی و سوداگرلر اوچون قولیلیک ایجاد ایتیلگنیدن خرسندلیک بیلدیرگنلر.
ییگولیک ماده صفتینی اولچهیدیگن اوشبو لابراتوار 250 مینگ دالردن کوپراق خرجت کوترگن و بو مبلغ هرات ولایتیدهگی خصوصی بولیم تامانیدن توللنگن.
هرات ولایتی گه سفر قیلگن ساغلیقنی سقلش وزیرلیگی وزیری، مذکور ولایت نینگ بیرقطار تومنلریده 17 کسلخانه و ساغلیک مرکزلرینی آچهدی و شونینگدیک، هرات ولایتی نینگ اوزاق تومنلریده باشقه 20 ساغلیک مرکز قوریلیشی دن خبر بیرگن.
