.jpg)
ایچکی کاووش ایشلب چیقاریش بیرلشمهسینینگ مسووللری، نیچه ییل آلدین بیر ییلده 1 میلیون کاووش ایشلب چیقارردیلر؛ اما هلی ایسه بیر ییلده تورت یریم میلیون جفت کاووش ایشلب چیقاریشلرینی ایتهدیلر.
مملکت کاووش تیکووچیلری بیرلشمهسی نینگ باشلیغی محمد آصف جامی، موجود امکانیتلردن فایدهلنیب طرح و صفت نطقه نظردن تشقی مملکتلرده ایشلب چیقاریله دیگن محصولات بیلن رقابت قیلیش اوچون سعی وحرکت آلیب باریشلرینی بیلدیرگن.
جناب جامی نینگ سوزلریگه کوره، حاضرگی کونده مملکت ایچیده ایشلب چیقاریله دیگن کاووشلرنینگ بازاری یخشی دیر. حکومت ایچکی محصولاتنی جدی بیر شکلده قوللب قوتلهگن حالده، مملکت بویلب فعالیت قیله دیگن کاووش تیکیش بیلن مشغول بوتون فابریکهلر 10 میلیون جفت کاووش ایشلب چیقاریشگه قادر.
لیکن، بیر قنچه کاووش تیکووچیلر، حکومتدن مملکتده کاووش تیکیش صنعیتی رواجلهنیش مقصدیده عملی آدیملر کوتاریشینی سورهگنلر.
عین حالده، کاووش تیکووچیلردن ینه بیری غلام نبی، دولتدن چیت ایلدن آلیب کیلنه دیگن کاووشلردن آلینه دیگن سالیق کوتاریلیشینی طلب قیلگن. اونگه کوره، چیت دولتلردن آلیب کیلینه دیگن کاووش سالیغی کوتاریلگن حالده، مملکت خلقی ایچکی محصولاتگه کوپراق اعتبار بیرهدی.
.jpg)
صناعت و تجارت وزیرلیگی نینگ اورین باسری محمد قربان حقجو، کیچیک و اورتهچه فابریکهلرنی یوکسلتیریش مملکت اقتصادی اوسیشی اوچون اولکن اهمیتگه ایگه دیگن. بو صنعت رواجلنتیریلیشی اوچون جدی آدیملر کوتاریلیشی ممکن دیگن حقجو.
سونگی ییللرده کاووش تیکیش صنعتیدن علاوه تیریدن ایشلب چیقاریله دیگن صنعت، یاغاچ صنعتی و قولده ایشلب چیقاریله دیگن محصولات مرکزلری مینگلب کیشی گه ایش زمینهسی یرهتگن.
کاووش ایشلب چیقاریش بیرلشمهسی نینگ مسووللری، ییر و برق یوقلیگی ینه صفت سیز کاووشلرنی چیت ایلدن آلیب کیلیش، خام مواد بولمهگنی و شهردارلیک نینگ تعرفهسی یوقاری بولگن لیگی بو صنعتچیلرنینگ قرشیسیدهگی ییریک قیین چیلیکلردن حسابلنهدی دیگنلر.
کابل ده 22 فابریکه اینگ آز امکانیت بیلن فعالیب آلیب باریشی ایتیلهدی. مملکت بویلب کاووش ایشلب چیقارووچی 600 کته و کیجک ایشخانه بار. بولردن 300 کارخانه فعال و 200 تهسی ایسه یریم فعال حالده فعالیت قیلهدی.
