«456 یا-ده 455 گه قونغیراق قیلیب، 1 و اوندن سونگ 7 باسیب کییم یووهدیگن ماشینگه ایگه بولینگ» ایشانچ بیلن ایتهمیز بوندهی اعلانلرگه دوچ کیلگن سیزلر. بوندهی اعلانلر کوپینچه کورسهتووچی میدیالر تامانیدن ترقهتیلهدی. بیراق، بوندهی اعلانلرنینگ اصل مقصدی اهالیگه خذمت قیلیش می؟
456 رقمی بیر دقیقهده 10 افغانی و 455 رقمی بیر دقیقهده 7 افغانی آلهدی. بیراق اهالی بوندهی سوراقلرگه دوچ کیلگن، «روضۀ مبارک افغانستاننینگ قیسی ولایتیده جایلشگن؟» شو سوراق 10 افغانیگه ارزیدی می؟
«الف تکنالوژی» ناملی شرکت، مخابراتی شرکتلر بیلن قوشمه شکلده 455 و 456 خذمت رقملرینی یولگه قویگن و بولر تلویزیونی ترماقلر تامانیدن ترقهتیلهدی.
اقتصادی و اجتماعی ایش بیلرمانلردن بیرقطاری، طلوع تلویزیونی و باشقه بیرقطار تلویزیونی ترماقلردن 455 و 456 رقملریگه قونغیراق قیلیب معلومات بیریشنی اقتصادی بیلیم نقطهای نظریدن اهالی پولینی ییغیش اوچون سوداگرلیک منبع دییدیلر و اونی اجتماع اقتصادیگه زیان دیب بیلهدیلر. اولرنینگ ایتیشیچه، بو ایش بیلن اهالی حقلری بولگن خذمتگه قول تاپهآلمهیدیلر.
اقتصادی ایش بیلرمان محبالله شریفینینگ سلاموطندارگه ایتیشیچه، تلویزیونلر بوندهی آگاهلنتیریشلرنی ترقتمهی، بلکیم اهالی قیینچیلیکلرینی حل ایتیش اوچون دولت و اهالی آرهسیده حقیقی کوپریک بولیشی کیرهک.
کابل بیلیم یورتی اقتصاد فاکولتهسی استادی سیفالدین سیحوننینگ ایتیشیچه، قطار معلومات ییتکزیش ادارهلر، خاص روشلردن فایدهلنیب مادی منفعتلرینی تأمینلش اوچون سعی و حرکت قیلهدیلر. جناب سیحونگه کوره، بو آگاهلنتیریشلرنی آرقهسیده، اقتصادی منفعت تورگن.
بیراق، مخابرات و تکنالوژی وزیرلیگی رسمیلری، اوشبو وزیرلیکده رویخطگه آلینیب، انترنتی بولیملر و فنی معلوماتلر خصوصیده فعالیت قیلهدیگن شرکتلرنینگ آدرسیدن بوندهی خذمت قیلیش قانونی و اهالی اوچون قولیلیک دیب بیلهدی.
مخابرات و تکنالوژی وزیرلیگی سوزلاوچیسی محمدیاسین صمیمنینگ ایتیشیچه، اوشبو وزیرلیک اینیقسه مخابراتی خذمتلرنی کوزهتیش اداره (اترا) یالغیز درامدلرینی قانون اساسیده، قولگه کیریتهدیگن شرکتلرگه جواز صادر ایتهدی. جناب صمیمگه کوره، بو خذمتنی قیلهدیگن «الف تکنالوژی» ناملی شرکت باشقه کته مخابراتی شرکتلرنینگ اویغونلیگیده بو ایشنی قیلهدی.
مخابرات وزیرلیگینینگ سوزلاوچیسیگه کوره، هر بیر دقیقه قونغیراقنینگ خرجتی مساوی شکلده مخابراتی شرکتلر و «الف تکنالوژی» شرکتی آرهسیده تقسیم بولهدی.
عین حالده، معارف وزیرلیگی سوزلاوچیسی مجیب مهردادنینگ ایتیشیچه، 455 خذمتی معارف وزیرلیگینینگ کُدی بیلن نیچه آیدن بویان باشلنگن و بو وزیرلیکده بیر هیأت تعیین ایتیلگن، اهالی شکایتلرینی رویخطگه آلیب و وزیرنینگ اوزی، بو لایحهنی نظارت قیلهدی.
شونینگدیک، مملکت ساغلیقنی سقلش وزیرلیگی سوزلاچیسی اسماعیل کاووسینینگ ایتیشیچه، اوشبو پیاملر آرقهلی ایریم قیینچیلیک لر قیسقه زمانده حل ایتیلهدی.
بیراق، یشاوچیلردن بیرقطاری، بو آگاهلنتیریشنی خذمت ایمس، بلکیم الداوچیلیک دیب بیلهدیلر.
نذیر احمد توفاننینگ ایتیشیچه، بو آگاهلنتیریش پول برابریده و حاضرگچه هیچ بیر قیینچیلیک حل ایتیلگنیگه گواه بولمهگن. همایون مروتنینگ ایتیشیچه، بو آگاهلنتیریشلر، ارزیمهیدیگن سوراقلرنی بیان قیلیب و ایتیشلریچه، 455 و 456 رقملریگه قونغیراق قیلیب ساورینگه ایگه بولینگیزلر: «بوندهی بیر شکلده آگاهلنتیریشلردن اساسی مقصد نیمه بولگنی سیزیلهدی».
بیراق، طلوع تلویزیونینینگ مسؤوللری، 455 و 456 خذمت رقملرینی اهالی قیینچیلیگی حل ایتیلیشی اوچون تأثیرچن بیلیب ایتیشیچه، بو رقملرنی «الف تکنالوژی» شرکتی بیلن شرطنامه باغلب، اهالی قیینچیلیکلرینی آز خرجت و قیسقه مدتده مسؤوللر بیلن شریک قیلیب، تفریحی و سوراو دستورلریگه اشتراک قیلیب توغری جواب بیرگن صورتده، ساورین قولگه کیریتیشلری اوچون فعال قیلگنلر.
عین حالده، مملکت یشاوچیلری و اقتصادی ایش بیلرمانلر، تلویزیونی ترماقلردن بوندهی پیاملرنی ترقهتیش اورنیده کوپ ایش قیلیب و اهالی قیینچیلیکلرینی تیزلیکده حل ایتهدیگن دولتی ادارهلرنینگ ایشلاوچیلرینی آلقیشلش اوچون دستور توزهتیشلرینی سورهگنلر.
