مرکزی بانک رسمیلری، جاری میلادی ییلنینگ بیرینچی 4 آی ده تورم بهاسینینگ 3.52 فایز کمهیگنی توغریسیده صحبت قیلگنلر.
مرکزی بانک سوزلاوچیسی ایمل هاشورنینگ سلاموطندارگه ایتیشیچه، اوتکن ییل بیرینچی 4 آی ده تورم بهاسی 5.41 فایزگه یتیشهریدی؛ بیراق اوشبو رقم جاری ییلنینگ بیرینچی 4 آی ده 1.89 فایز گه یتیشگن.
جناب هاشورگه کوره، بوتون مملکتلر اینقسه قوشنی مملکتلر ملی پولینینگ ارزشی کمهیگنی، تورمنینگ کمهیگنی گه سبب بولگن.
مرکزی بانک سوزلاوچیسینینگ ایتیشیچه، ایران، پاکستان، هند و چین مملکتلریده پولنینگ تبدیلی بهاسی کمهیگن و اوشبو موضوع مذکور مملکتلرنینگ صادراتی کالالری بهاسینینگ کمهیگنی گه سبب بولگن.
عینحالده اقتصادی بیلرمانلردن بیرقطارینینگ ایتیشیچه، جاری قویاش ییلنینگ بیرینچی آی ده پول ایچکی ارزشی، 1394- ییل گه قرگنده، 11 فایز کمهیگن.
مرکزی بانککه کوره، اوتکن ییل قوس آینینگ بیرینچی کونیدن جاری ییل جوزا آینینگ ایکنیچی کونی گهقدر افغان پول ارزشی امریکالیک دالر برابریده 3.9 فایز کمهیگن و انهشو موضوع وارداتی کالالر ارزان تمام بولیب و تورم بهاسی کمهیگنی گه سبب بولگن.
اقتصادی بیلرمانلرگه کوره، تورم بهاسینینگ کمهیگنی استفاده قیلهدیگنلر منفعتی گه دیر، بیراق درآمدلری ثابت بولگنلرنینگ ساتین آلیش کوچی قوییگه توشهدی.
