افغانستان تجارت و صناعت اتاغی تمانیدن ترقه تیلگن ینگی بیر گزارشده جاری ییل نینگ اوچ آی کوز موسومیده ایش وضعیتی یخشی لنگنلیگی باره سیده خبر بیرگن. اوشبو گزارشده ایش وضعیتی 0.87 فایزدن 23 فایز کوپیگنلیگی معلوم قیلینگن. شونینگ دیک تجارت وصناعت اتاغی جاری ییل نینگ بیرینچی اوچ آییده جمهور رئیسلیک سیلاولر زمانی چوزیلگنلیگی و مملکت بویلب نابرقرارلیکلر آشگنی اقتصادی وضعیتگه سلبی تاثیر قویگن لیگینی بیلدیرگن. لیکن، سونگی کوز موسومیده گی اوچ آی جریانیده بو احوال ایجابی اوزگرگن.
1209شرکت مسووللری فکر اورگنیلگنلیگی اساسیده تیارلگن گزارشده، فکری اورگهنیلگن 80 فایز شرکتلر جاری ییل نینگ بیرینچی آلتی آییده بوتون فعالیتلری چیکلهنیب قالگن لیگینی ایتگنلر. گزارشده، کابینه همده حکومت ادارهلری نینگ انیق لنمه گنلیگی، امریکا و افغانستان اورته سیده اوزاق مدتلی خوف سیزلیک شرطنامه گه قول قوییلمه گنی اقتصادی وضعیت نینگ یامان بولگنلیگی اوچون بیرینچی عامل بولگنی قید ایتیلگن.
شونینگ دیک آست قورمه همده دایمی برق بولمه گنلیگی صنعتی شرکتلرنینگ ینه بیر اساسی قیین چیلیکلریدن بولگنی ایتیلهدی. عین حالده، باشقه بیر گزارشگه کوره، تجارت ادارهلری باشیده مسوول کیشیلرنی بولمه گنلیگی اقتصاد وضعیتیگه سلبی تاثیر اوتکزگنلیگی نینگ عامللریدن بولگنی تیلگه آلینگن.
افغانستان تجارت اتاغی بلند مرتبهلی رسمیلری معلوماتی گه قرهگنده، ایش قیلش وضعیتی یخشیلهنیشی اوچون امیدلر کوپیگن لیگیگه قرهمسدن، اما هنوز هم تجارت و صنعت ساحه سیده عملده دییرلی اوزگریش کورینمیدی. صناعت و تجارت اتاغی نینگ یوقاری مرتبهلی ملازملری، بو توغریده حکومتنی جدی اعتبار قره تیشینی سورهگنلر.
