بوگون «یکشنبه» قیشلاقلرنی کینگهیتیریش و رواجلنتیریش وزیرلیگی بیلن 12 ولایتنینگ رواجلنتیریش کینگشلری آرهسیده 22 رواجلنتیریش پروژه شرطنامهسیگه قول قوییلدی. مذکور پروژهلرنی خرجتی 225 میلیون افغانی تخمین ایتیلگن و بو پول مالیه وزیرلیگی و هند مملکتینینگ یاردملریدن توللنهدی.
قیشلاقلرنی کینگهیتیریش و رواجلنتیریش وزیرلیگی سوزلاوچیسی فریدون آژندنینگ ایتیشیچه، اوشبو پروژهلر مکتب قوریش، مسجد قوریش، استنادی و قورووچی دیوارلر، کیچیک جادهلر، سوو توغانی، کوپریک قوریش و جادهلرنی کانکریت قیلیش خصوصیده، تطبیق ایتیلهدی. جناب آژندگه کوره، اوشبو پروژهلرگه دایکندی، فاریاب، غور، جوزجان، کابل، قندوز، کنر، لغمان، ننگرهار، نورستان، پنجشیر و پروان ولایتلری شامل بولهدی.
قیشلاقلرنی کینگهیتیریش و رواجلنتیریش وزیرلیگی مسؤوللرینینگ ایتیشیچه، بو پروژهلرنی ایشی باشلنگن صورتده، مذکور ولایتلرنینگ یشاوچیلری اوچون کمیده 82 مینگ کون ایش ایجاد ایتیلهدی و بو پروژهلردن 76 مینگ کیشی فایدهلنیشی ممکن.
