.jpg)
کابل شهریده دکاندار و خریدارلردن باشلب قول ساتووچیلر، نانوالر و شهری موترلرنینگ هیداوچیلری ییپرنگن و کهنه پوللر کوپهیگنیدن شکایت قیلهدیلر و بو پوللر ایریم پیتلرده مشتری، دکاندار، هیداوچی و یولاوچیلرنینگ آرهسیده جنجل چیقارهدی.
باشکینت یشاوچیلریدن بیرقطارینینگ ایتیشیچه، ییپرنگن پوللر کوپهیگنی باعث، کوندهلیک معاملهلریده کوپینچه قیینچیلیککه روپهره بولهدیلر.
کابل شهریده ییگولیک ماده ساتووچیلردن بیری قیسنینگ سلاموطندارگه ایتیشیچه، ییپرنگن پوللر کوپهییشی اونینگ کوندهلیک معاملهلریده قیینچیلیککه روپهره قیلگن. شونینگدیک، قول ساتووچیلریدن بیری رامیننینگ ایتیشیچه، ییپرنگن و کهنه پوللرنی اوزگرتیریش اوچون صرافلرگه بیرهدی، بیراق « کهنه و ییپرنگن 100 افغانی ینگی 50 افغانیگه ساتیلهدی»
اوشبو یشاوچیلر دولت اینیقسه مرکزی بانک دن کهنه و ییپرنگن پوللرنی بازاردن ییغیشینی طلب قیلهدیلر. بیراق مرکزی بانک مسؤوللری، اهالیدن کهنه و ییپرنگن پوللرنی مرکزی بانک نمایندهلیکلری یا-ده خصوصی بانکلرگه آلیب ینگی پوللر بیلن اوزگرتیریشلرینی سورهیدی.
.jpg)
مرکزی بانک سوزلاوچیسی ایمیل هاشورنینگ ایتیشیچه، مملکت یشاوچیلری کهنه و ییپرنگن پوللر اینیقسه 10، 20، 50 و 100 افغانی بولگن کهنه و ییپرنگن پوللرنی برق پولی و سالیق اوچون بانکلرگه بیریشلری کیرهک.
مرکزی بانک مسؤوللری مملکت یشاوچیلریدن کهنه و ییپرنگن پوللرینی بازارلرده بولگن قول ساتووچی صرافلرگه نیچه افغانی فرق بیلن بیرمسلرینی طلب قیلیب و اولرنی بانکلرده بولگن فرقسیز ینگی پوللر بیلن اوزگرتیریشلرینی ایستهیدی.
مرکزی بانک بوندن آلدین مملکتده کهنه و ییپرنگن پوللر ساتیلیشی و آلینیشینی ناقانونی اعلان قیلگن ایدی. مذکور بانک افغانی پول چاپ قیلیب و نشر قیلهدی و ینگی و کهنه افغانی پوللرنی بیردیک ارزش گه ایگه دییدی و مملکت بازارلریده کهنه و ییپرنگن پوللر فرق بیلن ساتیلیشی قانون گه قرشی دیر.
