افغانستان نمایندهلر کینگشی نینگ اعضالری، اوشبو کینگش نینگ دوشنبه کونگی عمومی ییغینده، ملی تدارکات ادارهسینی باشلیغی الهام عمر هوتکی نینگ استجواب قیلدی.
نمایندهلر کینگشی نینگ اعضالری، ملی تدارکات ادارهسی گه ضربالعجل تعیین قیلگنیدن سونگ، بوگون «دوشنبه» ملی تدارکات ادارهسینی باشلیغی الهام عمر هوتکی، نمایندهلرنینگ سوراغی گه جواب بیریش اوچون نمایندهلر کینگشیده حاضر بولدی.
نمایندهلر کینگشی نینگ بوگونکی استجوابیه ییغینیده، 400 بستر کسلخانه نینگ داروسی خصوصیده بولگن شرطنامه کیین گه قالگنی، ملی مدافعه وزیرلیگی نینگ برنج خصوصیده بولگن شرطنامهده فساد موجودلیگی، مدافعه وزیرلیگی نینگ تیل و سویق گازی خصوصیده بولگن شرطنامه شرایطگه ماس بولمهگن شرکت گه بیریلگنی، نفت شرطنامهسی سیسی اور سی شرکتی گه بیریلگنی، جمهورلیک ریاست مالی مدیریتیده فساد موجودلیگی و باشقه شولرگه اوخشهگن موضوعلر نمایندهلر کینگشی نینگ اعضالری تامانیدن بیان ایتیلگن سوراقلرنی تشکیل بیرردی.
بیراق، ملی تدارکات ادارهسی نینگ باشلیغی الهام عمر هوتکی نمایندهلرنینگ سوراقلری گه جواب ایتیشیچه، ملی تدارکات ادارهسی ایرکین شکلده کیمسه بیلن شرطناماه باغلمهیدی و شرطنامهلر یالغیز هیأت تیکشیروویدن سونگ، وزیرلیکلر بیلن باغلنهدی.
ملی تدارکات ادارهسی باشلیغی نینگ ایتیشیچه، مدافعه و ایچکی ایشلر وزیرلیکلری نینگ کیلهجک ییل دارولری توغریسیده بولگن شرطنامه بوندن آلدین باغلنگن و شونینگدیک، انبارلرده ییترلیچه دارو موجود بولگن.
ملی تدارکات ادارهسی باشلیغی نینگ ایتیشیچه، کوپینچه موضوعلرده مسؤوللردن بیرقطاری، قیینچیلیکلرینی ملی تدارکات ادارهسی نینگ بوینیگه تشلهیدی.
عین دمده، نمایندهلر کینگشی نینگ استجوابیه ییغینی اداغیده کینگش باشلیغی میررحمان رحمانی نینگ ایتیشیچه، بو توغریده کوپراق صحبت قیلینیشی اوچون کیلهجک ییغینلرده ملی تدارکات ادارهسی نینگ مسؤوللری یانیده، وزیرلردن بیرقطاری، نمایندهلر کینگشی گه چقیریلیشی خصوصیده، قرار قیلیب و ییغین نی یکونلنتیرگن.
