.JPG)
توقیمه چیلیککه پلخمری بیرینچی برق توغانی ایسکرگنلیک و ایریم بولیمی توکیلیب توشیشی بیلن انقراض خطری بیلن روپهره بولگن.
بغلان برق توغانی رسمیلری نینگ ایتیشیچه، اوشنده یکه آلمان مذکور توغان اساسی شکلیده قیته قوریش ایشی باشلهنیشی بارهسیده سوو و برق وزیرلیگیگه بودجه بیرگن ایدی، بیراق حاضرگه قدر مذکور توغان ایشی باشلنمهگن.
اونینگ آگاهلنتیریب ایتیشیچه، اوشبو توغان توکیلیب توشیشی بیلن 40 مینگ خانهدان برق سیز قالهدی و بغلان و قندوز ولایتلری ایکین ییرلریگه سووبیریش نظمی بوزیلیب نابود بولیشگه روپهره بولیشی ممکن.
پلخمری بیرینچی توغانی مسؤولی غلامحسین نینگ سلاموطندارگه ایتیشیچه، مذکور توغان اساسی شکلیده توزهتیلگن صورتده، کیلگوسی 40 دن 50 ییلگه قدر برق تولید قیلیش ظرفیتیگه قادر بولیشی ممکن.
.JPG)
اونگه کوره، سوو و برق وزیرلیگی رسمیلری جاری ییل باشلهنیشیده مذکور برق توغانی قیته قوریلهدی دیگن ایکنلر، بیراق حاضرگه قدر ایشی باشلنمهگن.
اما سوو وبرق وزیرلیگی معینی عبدالبصیرنینگ ایتیشیچه، اوشبو توغان قیته قوریش تدارکاتی ایشی جدی شکلده باشلنگن و تیزلیکده قیته قوریش ایشی باشلنهدی.
سوو وبرق وزیرلیگی معینیگه کوره، آلمان مذکور توغان قیته قوریلیشی بارهسیده 20 میلیون یورو قوشیمچه 57 میلیون دالرنی اوشبو وزیرلیک بودجه سیگه علاوه قیلگن.
بغلان مرکزی پلخمری شهری نینگ بیرینچی و ایکینچی برق توغانلری، 70 ییل آلدین آلمان مملکتی یاردمیده بوولایتگه توزهتیلگن ایدی. مذکور توغان برق تولید قیلیش یانیده، 70 مینگ هکتار گه یقین ایکین ییرنی هم سوو بیرهدی و ایکینچی توغانگه ایسه سوو ذخیرهسی هم توزهتیلگن.
