دنیا بانکی نینگ ینگی گزارشی گه کوره، افغانستان طالبان گروهی بیلن سیاسی بیر کیلیشووگه قول تاپگنیدن سونگ هم دنیا جماعهچیلیگی نینگ مالی حمایتی دوامی گه نیازمند بولیشی ممکن.
دنیا بانکی نینگ تیکشیروولری گه کوره، افغانستان دستلبکی خذمتلر ارایه ایتیلیشی، اقتصادی ترقیات جریانی چقانلشتیریلشیدن حمایت ایتیلیشی، زوروانلیکلرنی کمهیتیریش و تینچلیک کیلیشووی دوامی گه شرایط یرهتیلیشیدن حمایت قیلیش خصوصیده، کیرهکلی بودجهنی تأمینلش اوچون طالبان گروهی بیلن سیاسی بیر کیلیشووگه قول تاپگنده هم، ییلده دنیا جماعهچیلیگی نینگ کمیده 6-7 میلیارد دالری گه نیازمند بولهدی.
بوگون «پنجشنبه، 14- قوس» توشدن کیین دنیا بانکی تامانیدن میدیالرگه یوباریلگن میدیالرگه کیلیشیچه، بو گزارشده افغانستان نینگ مالی نیازمندلیکلری سیاسی و اقتصادی شرایط اساسیده، تحلیل قیلینیب و تیکشیریلگن.
افغانستان بوییچه دنیا بانکی دفتری باشلیغی هینری کرالی نینگ ایتیشیچه، «امنیتی وضعیت یخشیلنیشی، سیاسی ثبات تأمینلنیشی و افغانستان ولایتلری نینگ قتناو یوللرینی خوفسیزلیگی تأمینلنگن صورتده، بو مملکتده خصوصی سرمایه یاتقزیشلرگه زمینه یرهتیلیب و ایش فرصتلری یرهتیلهدی.»
اونینگ کوپهیتیریشیچه، «بوندهی بولگنده درآمد و خرجت میزانی آرهسیده تینگلیک کیلهدی و تینچلیک کیلیشووی گه قول تاپیلگنیدن سونگ، تورلی بولیملرده سیاسی ثبات برقرار ایتیلهدی.»
جناب کرالی گه کوره، دنیا جماعهچیلیگی زمان اوتیشی بیلن تیزیم شکلده افغانستان اوچون بولگن مالی یاردملرینی کمهیتیره آلهدی، بیراق بو کمهیتیریش افغانستان نینگ مالی نیازمندلیکلری جدی شکلده تیکشیریلیب عملگه آشیریلیشی کیرهک.
دنیا بانکی نینگ ایتیشیچه، حاضرهم افغانستان دولتی نینگ بوتون خرجتیدن کمیده 75% دنیا جماعهچیلیگی نینگ یاردملریدن تأمینلنهدی.
دنیا بانکی نینگ گزارشیده کوپهیتیریلیشیچه، افغانستان نینگ ییللیک درآمدی 2.5 میلیارد دالر تخمین ایتیلگن، بیراق ییللیک خرجت میزانی کمیده 11 میلیارد دالرگه ییتیشهدی.
اوشبو گزارش اساسیده، افغانستان اوچون بولهدیگن مالی یاردملر میزانی اوتمیش گه نسبتن دنیا جماعهچیلیگی نینگ یاردملری قیاسی ده کمهییشی ممکن.
دنیا بانکی نینگ ایتیشیچه، طالبان گروهی بیلن سیاسی بیر کیلیشووگه قول تاپیلگنیدن سونگ، افغانستانلیکلر اوچون اینگ کته منفعت خصوصی بولیم آرقهلی سرمایه یاتقزیش میزانی آشیشی، ایش فرصتلری یرهتیلیشی و خذمتلرگه کوپلب قول تاپیش بولهدی.
دنیا بانکی نینگ اوشبو گزارشی توغریسیده حاضرگهقدر افغانستان حکومتی اینیقسه مالیه وزیرلیگی عکسالعمل بیلدیرمهگن.
