کابلده یوز بیرگن هر بیر خودکش هجومدن سونگ قالهدیگن نرسه شیشه دیر. کوپینچهنینگ ایشانچی گه کوره، پارتلش و خودکش هجوملرنینگ اوتی شیشه بازارینی ایسیق سقلهیدی؛ بیراق شیشه ساتووچیلر بو ایشانچ گه قرشی بولیب ایتیشیچه، معمارلیک توری اوزگرگنی، ناشکن و یاپیشتیرووچی شیشهلردن فایدهلنیش، شیشه ساتووچیلرنینگ بازارینی قیینچیلیککه روپهره قیلگن.
حاجی یعقوب تورت یولیدن اوتگینچه، کوزیم سینیب توشگن شیشهلرگه توشدی. بیر آز ایلگریده ایکی کیشی سینیق شیشهلرنی سوپوریش بیلن مشغول ایدیلر. شونینگدیک، بیر دکاندار نیچه کیشی بیلن بحث قیلیب تورگن ایدی. شیشه توزهتووچیلر اسکونهلری بیلن دکاننی شیشه قیلماق اوچون کیلگنلر. یقینلشدیم؛ 20 مینگ افغانینی اوستیگه بحث ایدی و دکاندار ایسه بهاسینی 15 مینگ افغانی گه ییتکزیش اوچون حرکت قیلردی.
ینگی شهرنینگ ایسکی دکاندارلریدن بیری عبدالمتین بیلن اوچرهشیب صحبت قیلدیم. او، سینیق شیشهلر و سوو، نوشابه، مربا و باشقه ییگولیک مادهلرنی بوزیلگن قوطیلرینی مینگه کورستدی و یورهگیدن اوف تارتیب ایتیشیچه، کور بو مینینگ حیاتیم دیر.
متین، 80 مینگ افغانی زیان کورگنینی ایتهدی. بیراق ایتیشیچه، بو زیان بازار سینگن کونلریده اونگه تحمیل بولگن زیان گه کوره جوده آز بولگن.
اونگه کوره، ینگی شهرده پارتلش و خودکش هجوملر توغریسیده آگاهلنتیریلگنیدن بویان، مشتری کمهیگن و شونینگدیک، بازار هم سینگن.
تکتساتووچی و یولاوچیلیک خذمت دفتری بولگن میر عزیز، متیننینگ قوشنیسی دیر. اونینگ ایتیشیچه، خودکش هجوم دکانلر و اویلرنینگ شیشهلرینی سیندیریشی گه قوشیمچه یشاوچیلرنینگ حیاتی گه نقطه قویه دی.
اونینگ ایتیشیچه، اوتگن کون یوز بیرگن پارتلشده بیزلرنینگ دفترمیز و باشقه دکانلرنینگ شیشهلری بوتونلهی سینگن. ایریم پیتلر بیر کیشینینگ نیچه آیلیک زحمتی بیر خودکش هجوم نتیجه سیده اورته دن کیتهدی.
شیشه ساتووچیلیک بازارینینگ وضعیتی نی بیلیش اوچون، باشکینتنینگ شیشه ساتووچی دکانلریگه باش اوردیم.
کابل شیشه ساتووچیلریدن بیری محمد قسیمنینگ ایتیشیچه، اهالینینگ ایشانچی گه خودکش و پارتلش هجوملر شیشه ساتووچیلیک بازارینی قیزیقتیرهدی؛ لیکن بوندهی ایمس دیر. خودکش و پارتلش هجوملر یوز بیرگنیدن سونگ، کوپینچه منزللرنینگ ایگهلری سونگی هجوم دن قورقیب شیشه ساتیب آلمهی و پنجرهلرینی پلاستیک بیلن یاپهدیلر.
بیراق او، واقعه یوز بیرگنیدن سونگ، کوپینچه دکانلر، مارکیتلر و کته شرکتلرنینگ ایگهلری شیشه ساتیب آلیشگه مجبور بولیشینی تَن آلهدی.
کوپ ییللردن بویان شیشه ساتهدیگن ضمیرنینگ ایتیشیچه، نیچه ییلدن بویان سوداگرلر مارکیتلر و کته دکانلر توزهتیش اوچون، شیشهدن آز فایدهلنهدیلر و استعمال قیلهدیگن اکثر شیشهلر سینمهس شیشهلر دیر و بو شیشهلر عادی شیشهلرگه کوره کوپ چیدهملی دیر.
بیراق پارتلش و خودکش برچه وحشت و بوزیش ایمسدیر. شهرنینگ باشقه بیر چیککهسیده، حمید سینگن شیشهلردن چرایلی اسبابلر توزتهدی. او 19 ییلدن بویان انتیک ساتیش دکانی بار. حمیدنینگ ایتیشیچه، شیشهلر سینیغینی شیشه ساتهدیگن دکانلردن ساتیب آلیب و اولردن چرایلی و تزینی اسبابلر توزتهدی.
شونینگدیک او هم بازاردن شکایت قیلیب ایتیشیچه، اوتمیش ییللر یول اوستیدهگی شیشهلردن هم فایدهلنردی، بیراق سونگی ایکی یا اوچ ییلده شیشه و تزینی اسبابلر توزهتیش صنعتی توختهگن.
کابل سونگی ایکی ییل ایچیده نیچه خودکش هجومگه گواه بولدی. شاید هر پارتلش و یا خودکش هجومدن، پایتخت یشاوچیلرینینگ فکریده قالهدیگن نرسه لر پارتلشنینگ دهشتی سیسی، شیشهلرنی سینیب توکیلیشی و اهالینینگ آه و نالهسی بولیشی ممکن.
شیشهلرنی سینیشی و مردمنینگ آه و نالهسینینگ سببی پارتلش دیر.
