فاریاب ولایتی نینگ امنیتی ادارهلر مسووللری، ولایت مرکزی میمنه شهرینینگ بیرینچی ناحیهسیده یوز بیرگن قوراللی آتیشمه کیچه نینگ بی وقتیگچه دوام ایتگن لیگینی بیلدیردیلر. اوروشده قیصار پولیس قوماندانی نظامالدین قیصارینینگ اوغلی داخل جنبش نینگ ایکّی اعضاسی و جمعیت نینگ ایکّی نفری هلاک بولگن. آتیشمهده 8 پولیس داخل 10 کیشی تَن جراحتی آلگن.
فاریاب پولیس قوماندانلیگی نینگ سوزلاووچیسی عبدالکریم یوریش نینگ سلاموطندارگه ایتیشیچه، آتیشمه امنیه قوماندانلیگی نینگ تروریزم مدیری و جمعیتیلردن بیری احمدشاه ملنگ همده جنبش حزبیگه وفادار قیصار پولیس قوماندانی نظامالدین اورتهسیده یوز بیرگن. اوروش کیچه ساعت 12 گه قدر دوام ایتدی دیدی. او، هنوزگچه هم اورورشنینگ اصلی سببی معلوم ایمس دیگن.
فاریاب پولیس قوماندانلیگی نینگ سوزلاووچیسی، تامانلر اورتهسیده یوزبیرگن آتیشمهده 4 کیشی قربان بولگن و 8 پولیس داخل 10 نفر تَن جراحتی آلگن لیگینی تصدیق لهدی. اولدیریلگنلر ایچیده قصیار تومنی نینگ امنیه قوماندانی نظام قیصارینینگ اوغلی بارلیگی ایتیلهدی.
قیصار تومنی نینگ پولیس قوماندانی نظامالدین قیصارینینگ سلاموطندار رادیوسیگه ایتیشیچه، اوغلی میمنه شهرینینگ اطرافیده جایلشگن دمقول منطقهسیگه دَم آلیش مقصدیده کیتگن بیر پئیتده ولایت ترروزیم ادارهسی نینگ مدیری احمدشاه ملنگ کیشیلری تامانیدن اولدیریلگن. او، حکومت اوغلی نینگ قاتللرینی یکشنبه کون توشگه قدر تاپیب بیرمهگن حالده، قیته اوروشگه باشلهشی حقیده آگاهلنتیرگن.
شونینگدیک فاریاب تروریزم ادارهسی نینگ مدیری احمدشاه ملنگ سلاموطندارگه بیرگن صحبتیده، یشش اویی نینگ یقینیده قوراللنگن شخصلر آرقهلی هجوم آستیگه آلینیب نتیجهده ایکّی تَن قوریقچیسی اولدیریلگن لیگینی تیلگه آلگن.
جناب ملنگ، اوشبوآتیشمهدن سونگ یشش اویی نظامالدین قیصاری طرفیدن هجوم آستیگه آلینگن لیگینی ادعا قیلگن. او، عایلهسی نینگ اوچ اعضاسی نظامالدین قیصاری طرفیدن قولگه آلینگن لیگی حقیده علیحده تاکید قیلگن.
میمنه شهرینینگ یشاووچیلری شنبهدن یکشنبهگه اوتر کیچهسی جنبش و جمعیت حزبی طرفدارلری اورتهسیده یوز بیرگن آتیشمهده ملی کوچلرنینگ حربی جهازلریدن هم ایش آلینگن لیگینی ایتهدیلر. بو موضوع ولایت رسمیلری تامانیدن هم تصدیق ایتیلدی.
