بغلان ولایتیده بولگن قند ایشخانهسی ییلده افغانستان نی 30% بورهسینی ایشلب چیقارردی و اونلرچه ایشلاوچی او ییرده ایش بیلن مشغول ایدی و بیر هفته آلدین دولت تامانیدن باغلندی.
بغلان ولایتیده قند ایشخانهسی ایشلاوچیلریدن بیرقطاری، سلاموطندارگه بیرگن صحبتلریده دولتنی بو توغریده مدیریتسیزلیک و دقتسیزلیککه عیبلب ایتیشیچه، دولت نینگ دقتسیزلیگی باعث، ایشخانه سقوط گه روپهره بولگن.
اولرنینگ کوپهیتیریشیچه، مذکور ایشخانه باغلنگنی سبب، اونلرچه ایشلاوچی نینگ معاشی کیسیلگن.
بغلان ولایتی نینگ ایکینچیلریدن بیری محمدعالم، اوتمیشلرده لبلبو ایکهدی ایکن؛ او هم بو توغریده دولت نی دقتسیزلیک عیبلب ایتیشیچه، نیچه ییلدن بویان دولت تامانیدن لبلبو تخمی و کودکیمیاوی بیریش توغریسیده همکارلیک قیلینمهگنی سبب، ییرلریده لبلبو ایکمهیدی.
.png)
بیراق، بغلان ولایتیده قند ایشخانهسی باشلیغی غلام سخی نینگ ایتیشیچه، اوشبو ایشخانه گه تیگیشلی 4 مینگ هکتاردن آرتیق ییر زوروانلر تامانیدن غصب قیلینگنی و نباتی آفتلر کوپهیگنی باعث، بو ایشخانه باغلنگن.
بغلان ولایتی نینگ قند ایشخانهسی قویاش 1320- ییل، بوره ایشلب چیقاریش گه باشلهگن. بو ایشخانه قویاش 1385- ییلدن 1395- ییلگچه خصوصی بولیم اختیاریده ایدی، ایکی ییل آلدین دولت گه تاپشیریلدی و کمیده بیر هفته آلدین باغلندی.
