یانغیننینگ آلدینی آلیش بوییچه قوشمه کمیته نینگ ایتیشیچه، کابل شهریدهگی تیل تانکلریدن اوشبو کمیته تامانیدن اوتکزیلگن تدقیقات گه کوره، تیل تانکلریدن 60% استندردسیز دیر.
بوگون «یکشنبه» کابلده اوتکزیلگن خبری بیر ییغینده طبیعی حادثهلرگه قرشی کورهش ایشلری بوییچه دولت وزیرلیگی نینگ پالیسی و بیردملیک اورین باسری محمدقاسم حیدری نینگ ایتیشیچه، سونگی بیر ییلده یانغیننینگ آلدینی آلیش بوییچه قوشمه کمیته نینگ تدقیقاتی اساسیده، کابل شهریدهگی تیل تانکلریدن 60% استندردسیز قوریلگن.
جناب حیدری گه کوره، کابل شهریدهگی تیل تانکلریدن 40% یانغین گه قرشی بیر آز استندردلر بیلن جهازلنگن.
کابل شهردارلیگی نینگ شهری خذمتلر بوییچه اورین باسری مهتاب عالمی نینگ ایتیشیچه، وزیرلر کینگشی نینگ تصدیقی اساسیده، ینگی تیل تانکلری گه فعالیت جوازی بیریلمهیدی.
یانغین نینگ آلدینی آلیش بوییچه قوشمه کمیته نینگ تیل تانکلری و سوداگرلیک مرکزلری نینگ ایگهلرینی آگاهلنتیریشیچه، یانغین نینگ آلدینی آلیش احتیاطی تدبیر طرزالعملی گه اساس عمل قیلمهگن صورتده، قارهلاوچیلیککه تانیشتیریلهدیلر.
یانغین نینگ آلدینی آلیش بوییچه قوشمه کمیته 10 دولتی و غیردولتی ادارهلردن تشکیل ایتیلگن و بو کمیته قویاش 1397- ییلده طبیعی حادثهلرگه قرشی کورهش ایشلری بوییچه دولت وزیرلیگی نینگ تشکیلاتیده ایجاد ایتیلگن.
