جوزجان ولایتیده کمبغل عیاللردن بیرقطاری، ایکینچیلیک، چارواچیلیک و تیکووچیلیک ایشلری بیلن شغللنیب عایلهلری نینگ اقتصادی گه یاردم بیریشهدی.
مذکور کمبغل عایلهلردن بیرقطاری، شبرغان شهری گه یقین قیشلاقلردن بیریده حیات کیچیریب ایرتهلب دن آقشام گهقدر ایکینچیلیک، چارواچیلیک و تیکووچیلیک ایشلری بیلن شغللنیب قولگه کیریتیلگن درآمدلرینی فرزندلری نینگ تربیهلش گه صرفلهیدیلر.
اوشبو عیاللرنینگ ایتیشیچه، کوندهلیک اورته شکلده شو یولدن 200 دن 500 افغانی گچه درآمد قولگه کیریتهدیلر.
قیشلاق عیاللریدن بیری دلبرخال نینگ ایتیشیچه، حیات دغدغهلرینی باشقه هر بیر عیال دن کوره کوپراق تجربه قیلگن. اونگه کوره، بو قیینچیلیکلر بیلن کیلیشیب و ایکینزارلرده ایشلب فرزندلری نینگ کیلهجگی نی آیدینلشتیریش اوچون تینمهی سعی و حرکت قیلهدی.
دلبرخال نینگ ایتیشیچه، هردایم فرزندلری نینگ تربیهسی و کیلهجگینی توشونهدی.
شونینگدیک، تیکوووچیلیک ایشی بیلن شغللنهدیگن قیشلاق عیاللریدن باشقه بیری عادله نینگ ایتیشیچه، کوندهلیک 500 افغانی قولگه کیریتهدی و بو پول بیلن فرزندلری نینگ اوقیش خرجتی نی توللیدی.
عادله ماشینه چرخی نی ایستکلریگه ایریشیش اوچون ایلنتیرهدی. اونینگ ایتیشیچه، بالهلری نینگ کیلهجگی اوچون ایپ و ایگنه و تورلی رنگلی کییملردن اوزاقلشه آلمهیدی.
جوزجان ولایتیده عیاللر ریاستی باشلیغی مسلمه غنیزاده، مذکور ولایت عیاللری نینگ چیککن زحمتلرینی خوش قرشیلب و سوز بیریشیچه، بو عیاللرگه یاردم بیریش اوچون هیچقندهی یاردم و همکارلیکدن باش تارتمهیدی.
عیاللر ریاستی باشلیغی نینگ ایتیشیچه، قیشلاقده یشهیدیگن عیاللرگه یاردم ییتکزووچی و همکارلیک قیلووچی ادارهلر بیلن اویغونلیکده ایریم برنامهلرنی قولگه آلیشگن و یقین کیلهجکده عمل گه آشیریلیشی ممکن.
شونینگدیک، جوزجان حاکمی لطفالله عزیزی، مذکور ولایت عیاللری ایش بیلن تأمینلنیشی اوچون محلی حکومت نینگ سعی و حرکتلریدن خبر بیرگن.
