هلمند ولایتیده نیچه ییلدن بیری پخته ایکینی بیلن شغللهنیب کیلهدیگن بیرقطار ایکینچیلرنینگ ایتیشیچه، دولت اولرگه پخته ایکینی رواجلهنیشی اوچون هیچ یاردم بیرمهگن.
اولرنینگ ایتیشیچه، کوپینچه پخته ایکینچیلری بازارلرده بو محصولات نرخی قویی کیلگنی باعث پخته ایکیشدن قول تارگنلر.
هلمند ولایتی ایکینچیلریگه کوره، دولت تامانیدن اوشبو محصولات یخشیلهنیشی، نرخی یوقاری کوتاریلیب و ایکینچیلرگه بیریلهدیگن دارولر قوشیمچه اولرگه تخنیکی اسکونهلر یاردم بیریلسه پخته محصولاتی نیچه برابر کوپه ییشی ممکن.
هلمند ولایتی ایکینچیلری، اوتمیشلرده خلق پختهنی آق آلتین دیب بیلگنلر، چونکه بونینگ محصولاتیدن یخشی درآمد قولگه کیریتگنلر.
هلمند ایکینچیلیک ریاستی رسمیلرینینگ ایتیشیچه، مذکور ولایتده پخته محصولاتی یخشی بولیب، نیچه ییلدن بویان پخته محصولاتی کوپهییشی و بازاری رواجلهنیشی توغریسیده امکانی قدر حرکت قیلگن.
هلمند ولایتی ایکینچیلیک ریاستی باشلیغی روح الله روان نینگ ایتیشیچه، مذکور ولایت ادارهسی پخته صادراتی توغریسیده باشقه مملکتلرنینگ سوداگرلری بیلن نیچه مرته سوزلشگن، بیراق بو سوزلشوولر حاضرگچه نتیجه بیرمهگن.
ایکینچیلیک ریاستی باشلیغینینگ اورغولشیچه، پخته محصولاتی کوکنار ایکینی اورنینی آلیش اوچون باشقه نرسهلردن کوره بو ساحه ده کوپراق حرکت قیلگن.
بیراق ایکینچیلیک توغریسیدهگی بیرقطار ایش بیلرمانلرنینگ ایتیشیچه، پخته ایکینی ایشلب چیقاریلیشی توغریسیده دولت نینگ اعتبارسیزلیگی و مسلکی ایشچیلر بولمهگنی، پخته و باشقه محصولاتی کوز کورینرلی درجهده کمیگن.
ایکینچیلیک ایشلری بوییچه ایش بیلرمان حبیبالرحمان اکمل نینگ سوزلریگه کوره، ایکینچیلر پخته ایشلب چیقاریلیشی خصوصیده ایشخانه بولمهگنی باعث اوشبو بوتهنی ایکیشیدن قول تارتکن.
هلمند ولایتینینگ سوداگرلری پخته محصولاتی بارهسیده اونچهلیک راضی ایمسلیکلری ایتیلهدی. اولرنینگ ایتیشیچه، حاضرگچه پخته ایشلب چیقارهدیگن ایشخانهلردن یخشی فایده آلمهگنلر.
پخته ایشلب چیقارهدیگن ایشخانهلردن بیری نینگ باشلیغی علی احمد ناصری، ایشخانهسی حاضرگه قدر هیچ بیر فایده قیلمهگن، اونگه کوره، دولت اوزی پخته محصولاتی کوپهییشینی ایستمهیدی.
جناب ناصریگه کوره، حاضرگی شرایطده بیر کیلو پخته 30 الی 35 افغانی ساتیلهدی.
اوشبو محصولات ارزشی 20- عصر اداغیگه قره گنده کمیده ایکّی پغانه پسگه توشگن.
