تخار ولایتیده سوو باشقرووچی ریاست مسؤوللری، مذکور ولایتده سوو 50% کمهیگنیدن خبر بیریب ایتیشیچه، بو ییل سوو اوستیگه ایکینچیلرنینگ جنجللری کوپهییشی ممکن.
تخار ولایتیده سوو باشقرووچی ریاست باشلیغی سالم اکبرنینگ ایتیشیچه، ایسیق موسوم ده تخار اهالیسی سوو کملیگی گه روپهره بولیشی ممکن.
بیراق، محلی مسؤوللرنینگ ایتیشیچه، سوو اوستیگه ایکینچیلرنینگ آرهسیده یوز بیرهدیگن احتمالی جنجللر آلدی آلینیشی اوچون، اولردن آز شالی ایکیشلرینی سورهگنلر.
تخار ولایتیده ایکینچیلیک ریاستی باشلیغی سالم ساعینینگ ایتیشیچه، جاری ییلده شالی ایکینی 70% کمهییشی ممکن.
بوندن آلدین، تخار ولایتیده کوپ سووگه احتیاجی بولگن شالی ایکینی اوچون 80 مینگ جریب ییر اجرهتیلردی، بیراق بو ییل اوشبو ییرلردن یالغیز 30% شالی ایکیلهدی.
