مملکت نینگ شمالی بیش ولایتی داخل مرکزی ولایتلرنی سوولنتیریش لایحهسی « 5 آمو لایحه» نامی آستیده بوگون (چهارشنبه) 76 میلیون دالرلیک شرطنامه مالیه، ایکینچیلیک وزیرلیگی، آسیا ترقیات بانکی و اروپا اتفاقی اورتهسیده امضا چیکیلدی.
لایحه نینگ 50 میلیون دالری اروپا بیرلشمهسی، 26 میلیونی آسیا ترقیات بانکی و 750مینگی ایسه افغانستان دولتی نینگ ترقیات بودجهسی آرقهلی توله نیلیشی نظرده توتیلگن.
ایکینچیلیک و چاروادارلیک وزیری اسدالله ضمیر، مذکورلایحه عملگه آشیریلیشی بیلن بدخشان، تخار، قندوز، بغلان و بامیان ولایتلریده 88 مینگ هکتار ییر سوولنتیریلهدی دیگن.
بو لایحهنی عملگه آشریش جاری ییل باشلهنیب 2020- ییلده فایدهلهنیشگه تاپشیریلیشی کوتیلهدی.
آسیا ترقیات بانکی نینگ مسوولی تام پینالا، 5 آمو لایحهسی تطبیق ایتیلیشی بیلن 55 مینگ خانهدان نینگ ایکینچیلیک ساحهسیده ییلیک درآمدی سیزیلرلی درجهده آشهدی دیدی.
جناب پینالانینگ سوزلریگه کوره، 2002- ییل دن بویان افغانستان حکومتیگه تورلی بولیملرنی اوز ایچیگه آلگن لایحهلرگه 4.2 میلیارد اقش دالری کومک قیلگن و 2017 ییل دن 2020 قدر چمهسی 870 میلیون اقش دالری ینه افغانستان حکومتیگه یاردم بولهدی.
اروپا اتفاقی نینگ افغانستاندهگی نمایندهلری، اوشبو بیرلشمه هنوزوگچه سوولنتیریش پروژهلر اوچون 100 میلیون یورو افغانستان حکومتیگه کومک قیلگن.
