بوگون «سهشنبه» کابلده خبری ییغین اوتکزگن مخابرات و معلومات وزیرلیگینی وزیری شهزادگل آریوبینینگ ایتیشیچه، مذکور وزیرلیک تامانیدن قویاش 1394- ییلدن 1397- مالی ییلنینگ آخریگچه مخابراتی خذمتلرنی 10% سالیغیدن 13 میلیارد و 965 میلیون افغانی توپلنگن.
آریوبی گه کوره، قویاش 94- ییلنینگ ایکی آییده مخابراتی خذمتلرنی 10% سالیغیدن قولگه کیلگن درآمد 800 میلیون افغانیدن آرتیق، 95- ییل درآمدی 4 میلیارد و 288 میلیون افغانی، 96- ییل درآمدی 4 میلیارد و 270 میلیون افغانیدن آرتیق و 97- ییل درآمدی 3 میلیارد و 898 میلیون افغانیدن آرتیق بولگن.
مخابرات و معلومات وزیرلیگی مسؤوللرینینگ ایتیشیچه، مخابراتی خذمتلردن 10% سالیق توپلش سیستمهنی تدارکاتی جریانی نهایی بولگن و شرطنامهسی تیزلیککه امضاءلنهدی.
اولرگه کوره، روشن مخابرات شرکتی مخابرات و معلومات وزیرلیگیدن 705 میلیون افغانیدن کوپراق قرضدار قالگن و بو مبلغ نی جاری قویاش ییلنینگ آخریگچه مذکور وزیرلیککه توللب و اوز حسابلرینی تازهلشی توغریسیده سوز بیرگن.
