افغانستان مرکزی بانک مسووللری، قویاش 1395- ییلده افغانی پول بهاسینی تشقی پوللر قیمتی مقابلیده ثابت سقلشگه موفق بولگن لیکلرینی معلوم قیلدیلر.
اوتگن ییل افغانی پول بهاسی تشقی مملکتلر پولی مقابلیده 17 فایز قیمتینی قولدن بیرگن ایدی، اما جاری ییل ایسه افغانی پول بهاسی خارجی پول مقابلیده 2.5 فایز بهاسی آشگن لیگینی تیلگه آلگن مرکزی بانک رسمیلری.
بوگون کابلده خبری اولتیریشده گپیرگن مملکت مرکزی بانگ باشلیغی خلیل صدیقی، افغانی پول چیت ایل پولی مقابلیده اوز بهاسینی ثابت حالده سقلب قالیش اوچون آلیب بارگن فعالیتلری ایجابی نتیجه بیرگن لیگینی تیلگه آلگن.
شونینگدیک جناب صدیقی، مملکت پول قیمتی بو ییل اوتگن ییللرگه نسبتن ذخیرهسی 400 میلیون دالرگه آشگن دیگن. مملکت مرکزی بانکی قول یازمهلرنی ساتیش یولیدن 43 میلیارد افغانی قولگه کیریتگنی ایتیلهدی.
مملکت پول تورمینی 4.6 فایز دیگن مرکزی بانک باشلیغی، کیلگوسی ییل افغانستانده سرمایه یاتقیزیش همده اقتصادی بولیم اوچون موفقیتلی ییل بولیشی ممکن دیگن.
افغانستان مرکزی بانک رسمیلری، مملکت یخلیت پول ذخیرهسی 6.9 میلیارد دالر و خالص بولمهگن ذخیره قیمتی ایسه 7.4 میلیارد دالر دیدیلر.
