بوگون «دوشنبه» کابلده ترکمن عیاللرینینگ قول صنعتلرینی بیرینچی دایمی کورگزمهسی آچیلدی.
اوشبو کورگزمهده قالین، گیلم، کییز، ترکمنلیک زیور، عیال و ایرکک کییملری، ایپک چادرلری، کلاه و باشقه قول بیلن تیکیلگن نرسهلر کورگزمه گه قوییلگن.
افغانستان ترکمن عیاللرینینگ اجتماعی جمغرمه اورین باسری نوریه شریفینینگ ایتیشیچه، حاضر مذکور جمغرمهده چمهسی 200 عیال فعالیت قیلهدی، بیراق اوشبو عیاللر دولتدن محصولاتلریگه بازار تاپیشینی سورهیدی.
افغانستان ترکمن عیاللرینینگ اجتماعی جمغرمهسی، قویاش 1384- ییلده فعالیت گه باشلهگن. اوشبو جمغرمهنینگ مقصدی قالین صنعتی و مملکتنینگ باشقه قول صنعتلری، قیشلاق عیاللرینینگ سوادینی یخشیلشتیریش، عیاللرنینگ مالی و اقتصادی قیینچیلیکلری حل ایتیلیشی و ایچکی و چیتایللیک بازارلریده ترکمن عیاللرینینگ قول صنعتلرینی تانیشتیریش و بازار تاپیش بولگن.
