بوگون "چهارشنبه" صنعت و سرمایهیاتقیزیش کینگشینینگ باشلیغی عبدالجبار صافینینگ کابلده بیر خبری ییغینگه ایتیشیچه، صنعتچیلر گه قرشی 8 جدی قیینچیلیک بار و حکومت اوشبو قیینچیلیکلرنی حل قیلمهگن صورتده صنعتچیلر سرمایهلری نی چیتایللیک مملکت لرگه انتقال بیریشگه مجبور بولهدیلر.
جناب صافی گه کوره، مالیات بیریش سیستمنینگ پیچیده بولگنی، برق بهاسینینگ یوقاری بولگنی، صنعتی پارکلرنینگ کملیگی، کانلر قراردادلریگه قیینچیلیک بولگنی، بیمه قیینچیلیگی، تدارکات قیینچیلیگی، بانکی قیینچیلیک و افغانستانلیک پولنینگ رواج لنمهگنی صنعتچیلرگه قرشی اساسی قیینچیلیکلردن دیر.
صنعت و سرمایهیاتقیزیش کینگشینینگ اورین باسری نعمتاللهنینگ ایتیشیچه، یالغیز کابلده 40 ایشخانه سقوط خطریگه دوچ کیلگن و کمیده 3 مینگ ایشلاوچی ایشسیز بولگنلر.
افغانستاننینگ پاکستان دهگی صنعتچیلر بیرلشمه باشلیغی رفیعالله نینگ ایتیشیچه، پاکستان ده ایشخانه سی بولگن افغانلر اوز مملکت لریگه سرمایه یاتقیزیش نی ایستهیدیلر بیراق حکومت دقت قیلمهیدی.
رفیعاللهنینگ ایتیشیچه، افغانستان حکومتی اولرگه صنعتی پارک لر بیریشی نی وعده بیرگن ایدی؛ بیراق اوز وعده سیگه عمل قیلمهگن.
جمهورلیک ریاستی سوزلاوچیلیک دفترینینگ اورین باسری شاهحسین مرتضوینینگ ایتیشیچه، صنعت و سرمایهیاتقیزیش کینگشینینگ نمایندهسی هردایم اقتصادی ییغینلرگه حضور تاپیب و صنعتچیلر قیینچیلیگی نی مذکور ییغینلرگه مطرح قیلهدی.
مرتصوی گه کوره، صنعتچیلر قیینچیلیگینینگ حل ایتیلیشی ممکن.
