مملکت مالیه/ سالیق وزیرلیگینینگ سوزلاووچیسی حمید عبدالرحیمزینینگ سلاموندارگه ایتیشیچه، اکلیل حکیمی آلمانده اوتکزیلهدیگن آسیا ترقیات بانکینینگ ییللیک ییغینیده اشتراک قیلهدی. جناب عبدالرحمیزی، مالیه وزیرینینگ بو ییغینده اشتراک قیلیشدن نیت آستقورمه لایحهلر اوستیده بحث قیلیش بولگن دیگن.
مالیه وزیری مذکور سفرده اوشبو بانکنینگ برچه یوقاری مرتبهلی رسمیلری بیلن اوچرهشیب ملاقات قیلیشی کوتیلهدی. بحث نینگ اساسی مسالهسی افغانستان حکومتینینگ اقتصادی لایحهسی بولگن. مالیه وزیرلیگینینگ سوزلاووچیسی، ییغین جریانیده بروکسل کنفرانسی توغریسیده هم گپیریشی کوتیله دیگن.
بروکسل کنفرانسی جاری ییل اکتوبر آییده اوتکزیلهدی. ایتیلیشیچه، ییغیننینگ اصلی موضوعی افغان ملی کوچلری حمایه بولیشی اوچون مالی همکارلیک و افغانستان اقتصادی مسالهنی محاکمه ایتیش دیر.
بیلیم یورت استادی اقتصاد ایشبیلرمانی تاجمحمداکبرنینگ ییغین بارهسیده ایتیشیچه، یرهتیلگن فرصتلردن دییرلی فایدهلهنیشی کیرهک. شونینگدیک او، مملکت مالیه وزیری اساسی اقتصادی لایحهلر بیلن اشتراک قیلیشی مقصدگه موافق دیگن.
باشقه بیر اقتصاد ایشبیلرمان محبالله شریفگه کوره، نابرقرار منطقهلرده سرمایه یاتقیزیلیشی اوچون افغانستان حکومتی بوندهی ییغینلردن یخشی فایدهلهنیشی اوستیده تاکیدلهگن.
افغانستان مالیه وزیری اکلیل حکیمی بوگون آلمان سفر قیلدی. ایرته باشلنه دیگن ییغین بیش کون دوام ایتیشی مولجللنگن. آسیا ترقیات بانکی افغانستاننی مالی حمایت قیلهدیگن ییریک شریکلریدن حسابلنهدی. بو بانک 2002- ییلدن بیری مملکت نینگ تورلی بولیملریگه مالیه یاردم کورستگن.
