امیریکه قوشمه ایالتی (USAID) ترقیات ادارهسی افغانستان اوچون 791 میلیون دالر یاردم قیلهدی.
اوشبو پول امیریکهنینگ بروکسل اولتیریشیده کیلگوسی بیر ییلگه قدر افغانستان دولتیگه بولهجک مالی بیرگن وعدهلریدن سنلهدی.
بوگون (دوشنبه) مالیه/سالیق وزیری اکلیل حکیمی کابلده امیریکه قوشمه ایالتی خلق ارا ترقیات ادارهسی باشلیغی هربرت اسمیت بیلن شرطنامهگه قول قویش پیتیده، مذکور پول اقتصادی، یوکسهتیش بولیملر، یخشی حکومتدارلیک، ساغلیق، معارف/اورگهتیش و یوکسک تحصیلات بولیمیده بیریلهدی دیدی.
عین حالده، امیریکه قوشمه ایالتی خلق ارا ترقیات ادارهسی باشلیغی مملکتینینگ یاردملری افغانستانده دوام ایتیشدن ایشانچ بیریب ایتیشیچه، بروکسل اولتیریشیده، امیریکه نینگ بیرگن وعدهلری اساسیده بو پولنی افغانستانگه یاردم قیلهدی.
جاری میلادی ییل 4 و 5- اکتوبر آییده بلژیکده بروکسل اولتیریشیده اشتراک ایتگن مملکتلر کیلگوسی تورت ییلگه قدر افغانستانگه 15 میلیارد دالر کومک قیلیش وعدهسینی بیردیلر.
