بوگون «چهارشنبه» کابلده قیشلاقلرنی رواجلنتیریش و کینگهیتیریش وزیرلیگینینگ مسؤوللری، بیرلشگن ملتلر تشکیلاتینینگ رواجلنتیریش و ترقیات برنامهسینی نمایندهسی و خصوصی بیر شرکت آرهسیده، افغانستان بوییچه جنوبی کوریا ایلچیسی، سوو و برق وزیرلیگی، برشنا شرکتی و ننگرهار ولایتینینگ درۀ نور تومنینی نمایندهلری حضوریده، قویاش و سوودن برق ایشلب چیقاریش بیرینچی شرطنامه گه قول قوییلدی.
قیشلاقلرنی رواجلنتیریش و کینگهیتیریش وزیری مجیبالرحمان کریمینینگ ایتیشیچه، اوشبو پروژه مذکور وزیرلیک و بیرلشگن ملتلر تشکیلاتینینگ رواجلنتیریش و ترقیات برنامهسینی قوشمه پروژهسینینگ دایمی برق برنامهسی تامانیدن عملگه آشیریلهدی.
قیشلاقلرنی رواجلنتیریش و کینگهیتیریش وزیرینینگ ایتیشیچه، درۀ نور تومنیده 340 کیلووات برق ایشلب چیقاریلگنده، 2 مینگ عایله فایدهلنیشیگه قوشیمچه، 30 دن آرتیق مسجد، 9 مکتب و دینی مدرسه، 2 ساغلیقنی سقلش مرکزی و شونینگدیک، باشقه 20 کیچیک متشبث برق بیلن تأمینلنهدی و 7 مینگ گه یقین کیشی اوچون ایش زمینهسی یرهتیلهدی.
شو توغریده…
2000 میگاواتلیک قویاش برقینی پروژهسی آچیلدی
بیرلشگن ملتلر تشکیلاتینینگ رواجلنتیریش و ترقیات برنامهسی دفتری یا-ده (UNDP) باشلیغی جاسلین میسننینگ ایتیشیچه، افغانستانده برق کملیگی اقتصاد، سوداگرلیک، ساغلیک و تعلیمات اوستیگه سلبی تأثیر قویگن.
ننگرهار ولایتیده سوو و قویاشدن 340 کیلووات برق ایشلب چیقاریش 342 میلیون افغانی خرجت کوترهدی و بو مبلغ جنوبی کوریا و بیرلشگن ملتلر تشکیلاتینینگ رواجلنتیریش و ترقیات برنامهسی تامانیدن توللنهدی. اوشبو پروژهنی ایشی 15 آیده یکونلنیشی ممکن.
قیشلاقلرنی رواجلنتیریش و کینگهیتیریش وزیرلیگی مسؤوللرینینگ ایتیشیچه، کیلهجکده اوشبو پروژه اقتصادی فعالیتلر دوام ایتهدیگن ولایتلرده هم یولگه قوییلهدی.
