مالیه وزیرلیگینینگ گمرکلر و درآمد اورین باسرلیگی رسمیلری، مالی 1397- ییلنینگ بیرینچی 4 آییده 50 میلیارد افغانی درآمد توپلنگنیدن خبر بیرگن.
سلاموطندارگه صحبت بیرگن مالیه وزیرلیگینینگ گمرکلر و درآمد اورین باسری نجیبالله وردکنینگ ایتیشیچه، مالی ییلده ایچکی درآمدلر رقمی یوقاری کیتیشیگه قرهگنده، اوشبو ییلده هم مالیه وزیرلیگینینگ درآمدی تعیین قیلینگن هدف (172 میلیارد افغانی) دن کوره، کوپ بولیشی ممکن.
عینحالده، مالیه وزیرلیگینینگ درآمد و گمرکلر اورین باسری، ناتینچلیک، اداری فساد، مالیات دن قوچیش و سوداگرلیک کالالرنینگ قاچاق ایتیلیشی نی ایچکی درآمدلر توپلهنیلیشیگه قرشی کته قینچلیک دیدی.
شونینگدیک، افغانستان تینقلیک ادارهسی رسمیلرینینگ ایتیشیچه، افغانستاننینگ درآمد بولیملریدن فساد یکونلنگن حالده ایچکی درآمدلرنینگ کوپیشی ممکن.
افغانستان تنیقلیک ادارهسی اجراییه باشلیغی سیداکرام افضلی گه کوره، مالیه وزیرلیگینینگ درآمد و گمرکلر اورین باسری، دولتنینگ 50 فایز درآمدی گمرکلردن قولگه کیلهدی دیگن و مالیه بیرهدیگنلر، کانلر قازیب چیقاریلیشی و ایریم منبعلر باشقه ایچکی درآمدلرنی تامین قیلهدی.
دنیا پول صندوقی، قویاش 1396-ییل افغانستان اوچون 152.5 میلیارد افغانی هدف تعیین قیلگن ایدی، بیراق مالیه وزیرلیگینینگ رسمیلریگه کوره، اوشبو وزارت کمیده 170 میلیارد افغانی توپلش گه قادر بولگن.
