افغانستان قیشلاقلرنی رواجلنتیریش وزیرلیگی بوگون (پنجشنبه) ننگرهارده سوو ییتکزیش کانالینی آچیب بیردی. قیشلاقلرنی رواجلنتیریش وزیرلیگینینگ مسووللری، 5 جریب ییرنی سوغاریش قابلیتیگه ایگه مذکور کانال بهسود تومنیده قوریلگن دیدیلر.
1میلیون 5 مینگ افغانی بودجهسی بولگن بو لایحهنینگ مالی خرجتی بریتانیا ترقیات ادارهسی تامانیدن تولهنیلگن.
اوشبو کانال نی آچیب بیریش مناسبتی بیلن اوتکزیلگن ییغینده سوزلهگن قیشلاقلرنی رواجالنتیریش وزیری نصیراحمد درانی، بوندن بویان بهسود تومنینینگ ایکنیچیلیک محصولاتی آشیشی ممکن دیگن. شونینگدیک بو تومنده بیر ییلده ایکّی مرته قولگه کیریته دیگن محصولات اوچ مرته گه آشیشی امکانی بارلیگی تیلگه آلینهدی.
جناب درانی، اوشبو کانال اوچون نظرده توتیلگن دیوارلر کنر- ننگرهار عمومی یوللرینی تهیدید ایته دیگن سوو تاشقینلری کمهیشی هم ممکن دیگن.
عین حالده، بهسود تومنینینگ بیر قنچه اهالیسی بو کانال قوریلیشی بیلن زراعتی حاصللر یخشی بولیشینی ایتگنلر. لیکن، بیر قنچه کیشیلر کانال کنر- ننگرهار یولیده جایلشگنی اوچون یوز بیرهجک سوو تاشقینلری آلدی آلینشی بارهسیده حکومت جدی اعبار قرتهتیش لازملیگینی بیلدیرگنلر.
کنر بولاقلریدن باشلنه دیگن مذکور کانالنی تیکشیریش و دیزان لایحهسی مملکت قیشلاقلرنی رواجلنتیریش وزیرلیگی تامانیدن بجریلگن.
