هرات ولایتی بوییچه ایکینچیلیک ریاست مسؤوللری نینگ ایتیشیچه، اوشبو ولایتده عسل ایشلب چیقاریش میزانی 20% آشگن، بیراق قوشنی مملکتلردن کیلهدیگن صفتسیز عسل بو ولایتده ایشلب چیقاریلهدیگن عسل ساتیلیشی برابریده کته قیینچیلیک سنلهدی.
هرات ولایتی بوییچه ایکینچیلیک ریاست باشلیغی عبدالصبور رحمانی نینگ ایتیشیچه، عسل اری تربیهلاوچیلر بو ییل 150 تُن دن آرتیق عسل ایشلب چیقارگن.
جناب رحمانی گه کوره، جاری ییل هرات ده ایشلب چیقاریلگن عسل مقداری اوتگن ییلده ایشلب چیقاریلگن عسل مقداری 20% آشگن.
هرات ولایتی بوییچه ایکینچیلیک ریاست باشلیغی، مذکور ولایت گه قوشنی مملکتلردن صفتسیز عسل آلیب کیلینیشیدن خواطر بیلدیریب ایتیشیچه، چیتایلدن صفتسیز عسل آلیب کیلینیشی باعث، ایچکی عسل نینگ بازاری سُستهیگن.
جناب رحمانی، حکومتدن قوشنی مملکتلردن کیلهدیگن صفتسیز عسللرگه توسیق بولیب و اهالینی ایچکی عسل آلیشگه ترغیب ایتیشینی سورهگن.
هرات ولایتی نینگ انجیل تومنیده اریدارلر انجمنی باشلیغی محمدعارف واصل، عسل میزانی آشگنیدن خرسندلیک بیلدیرگن، بیراق ایتیشیچه، قوشنی مملکتلردن کیلهدیگن صفتسیز عسل بازارده کوپهیگنی باعث، بو ولایتده ایشلب چیقاریلهدیگن عسل بازاری سُستهیگن.
شونینگدیک، عسل ایشلب چیقارووچیلردن بیرقطاری، هرات گه قوشنی مملکتلردن ساخته و صفتسیز عسل کیلیشیدن خواطر بیلدیریشیب و حکومتدن بوندهی محصولات آلیب کیلینیشی گه توسیق بولیشینی طلب قیلگنلر.
هرات حاکمی سوزلاوچیسی جیلانی فرهادنینگ ایتیشیچه، محلی اداره گمرکلر قانونی اساسیده، ایچکی محصولات گه ماس توارلرنی آلدی آلینیشی توغریسیده سعی و حرکت قیلهدی.
هرات ولایتیده عسل و زعفران درآمدلی محصولاتلردن سنلهدی و حاضر هرات ولایتی نینگ انجیل، گذره، کرخ، پشتون زرغون، اوبه، چشت، کشککهنه، کشک رباط سنگی، زندهجان و غوریان تومنلریده 500 کیشی اری تربیهلش و عسل ایشلب چیقاریش بیلن شغللنهدیلر.
