«ریلتایم» تیزیمی ایجاد ایتیلیش پروژه شرطنامهسی امضاءلندی
افغانستان مخابرات و معلومات وزیرلیگی و چیتایللیک بیر خصوصی شرکت آرهسیده «ریلتایم» تیزیمی ایجاد ایتیلیش پروژه شرطنامهسی امضاءلندی.
جمهورلیک ریاستی تامانیدن نشر قیلینگن خبرنامهده یازیلیشیچه، بوگون کابلده جمهور رئیس غنینینگ حضوریده مخابرات و معلومات وزیرلیگینینگ وزیری شهزادگل آریوبی و چیتایللیک بوستوز گروپ شرکتینی باشلیغی جوشواجی بوستوزنینگ آرهسیده مخابراتی خذمتلردن 10% سالیق توپلش تیزیم پروژهسینینگ شرطنامهسیگه قول قوییلدی.
بو تیزیم دن مملکت بویلب مخابراتی خذمتلردن 10% سالیق توپلهنیشی و تنیق شکلده مدیریت قیلینیشی اوچون فایدهلنیش گه قرار قیلینگن.
اوشبو تیزیم مسؤولیتی مخابراتی بولیم درآمدلری توغریسیده گزارش بیریش دیر و شونینگدیک، مخابراتی خذمتلردن 10% سالیق توپلش خصوصیده، اهالی ایشانچینی جلب قیلیش، مملکتده مخابراتی ترماقلرنینگ باشقه درآمدلرینی بیللی قیلیش و مخابراتی ترماقلر تیزیمیدن حقیقی معلومات قولگه کیریتیش بولگن.
شو توغریده…
مخابراتی شرکتلر؛ خذمت قیلهدیمی یا-ده اوغیرچیلیک؟
مخابرات وزیری و تلیفون کارتلریدن سالیق توپلش سیستم چیگللیگی
مخابراتی خذمتلرنی 10% سالیغی؛ 4 ییلده چمهسی 14 میلیارد افغانی توپلنگن
مذکور تیزیم آرقهلی مملکتنینگ باشقه ملی درآمدلری شفافیت آرقهلی کوپهییشی ممکن.
جمهور رئیس غنی، قویاش 1394- ییل، مخابراتی خذمتلردن 10% سالیق توپلهنیشی خصوصیده فرمان صادر قیلدی و بو فرمان اوشه ییلنینگ میزان آییدن عمل گه آشیریلدی.
ایتیلیشیچه، حاضرگهقدر مخابراتی خذمتلرنینگ 10% سالیغیدن 14 میلیارد و 590 میلیون افغانیدن آرتیق پول توپلنگن.
