افغانستان بوییچه خلق ارا بانکینینگ باشلیغی و مالیه وزیرلیگی سرپرستینینگ آرهسیده افغانستان دولتی گه خلق ارا بانکی تامانیدن بیریلهدیگن قیته توللنمس 325 میلیون دالرلیک شرطنامه امضاءلندی.
مالیه وزیرلیگینی سرپرستی محمدهمایون قیومینینگ ایتیشیچه، اوشبو مبلغ اوچ بولیم جملهدن ایش تاپیش، شهرلرده سرمایه یاتقزیش و اوزگرتیریش پروژهسی اوچون اختصاص بیریلگن.
اونگه کوره، بو پول حکومت، یشاوچیلرنینگ نیازلری و اقتصاد ترقیاتی و خذمت قیلیش خصوصیده اولویتبندلیک بولهدی.
افغانستان بوییچه خلق ارا بانکینی باشلیغی شوبهم چودرینینگ ایتیشیچه، ینگی مالی شرطنامه، حکومتی ادارهلرنینگ ریجه و یخشی خذمت قیلیش خصوصیده، برنامهلرنی عملگه آشیریش ظرفیتینی یخشیلنتیریشی ممکن.
اونینگ کوپهیتیریشیچه، بو پولنی کوپ قسمی اجتماعی ایشلر وزیرلیگی تامانیدن قیته قوریش پروژهلریده صرفلنهدی و بو یولدن کوپینچه یاشلر ایش بیلن تأمینلنهدی.
اوشبو پولدن ایکی یوز میلیون دالری ایچکی بدرغهلر و قوشنی مملکتلردن قیتیب کیلگن مهاجرلر اوچون شهرلرده ایشگه زمینه یرهتیش و اقتصادی فرصتلر ایجاد ایتیلیشی خصوصیده، صرفلنهدی.
مذکور پوللردن 50 میلیونی 9 ولایت مرکزی گه محیط و حیات وضعیتی نی یخشیلنتریش اوچون اَجرهتیلگن.
شو توغریده:
- دنیا بانکی افغانستان گه 403 میلیون دالر یاردم بیرهدی
سالیق وزیرلیگیگه جهانی بانکی ۱۸۹ میلیون دالرنی تشویقی یاردم قیلگن
دنیا بانکی افغانستانگه 128 میلیون دالر یاردم کورستدی
شونینگدیک، مذکور پوللرنینگ باشقه 75 میلیونی وزیرلیکلر و باشقه ادارهلر ظرفیتی یوقاری کیتیشی اوچون دولت ادارهسی (اوزگریش پروژهسی) و بشری منابع نینگ اصلاحاتی لایحهسی اوچون اَجرهتیلگن.
مالیه وزیرلیگی تامانیدن بیریلگن رقملر اساسیده، خلق ارا بانکی میلادی 2002- ییلدن بویان افغانستان گه رواجلنتیریش پروژهلر اوچون 385 میلیارد دالردن آرتیق سوز بیرگن و شونینگدیک، خلق ارا بانکی تامانیدن اداره قیلینهدیگن افغانستان قیته قوریش امانتی صندوقی افغانستان گه حکومتدارلیک، اصلاحات، معارف، ساغلیک، ایکینچیلیک، قیشلاقلرنی کینگهیتیریش، بشری منبع، اجتماعی ترقیات، برق و آست قوریلمه بولیملریده 103 میلیارد دالردن آرتیق یاردم بیرگن.
