اوشبو کورگزمهده عیاللر تامانیدن ایشلب چیقریلگن نرسهلر نمایش گه قوییلگن. صناعت و سوداگرلیک وزیرلیگی اورین باسری اجمل عبدالرحیمزی نینگ ایتیشیچه، مذکور وزیرلیک نینگ مقصدی ایچکی صناعتلرنی کوچلنتیریش دیر و شونینگدیک، مملکت اقتصادی ترقیاتی ده یخشی رول اوینهلیشی اوچون سوداگر عیاللرگه امکانیت یرهتیلهدی.
اونگه کوره، صناعت و سوداگرلیک وزیرلیگی بو توغریده ایریم برنامهلرنی قولگه آلگن و ایشسیز عیاللرگه هم ایش فرصتلری یرهتیلیشی خصوصیده سعی و حرکت قیلهدی.
اقتصاد وزیری مصطفی مستورنینگ ایتیشیچه، بوندهی کورگزمهلر یولگه قوییلیشی اهالی سوداگر عیاللردن حمایت قیلیشینی کورستهدی.
کورگزمهده اشتراک قیلگن عیاللر، بوندهی برنامهلر یولگه قوییلیشینی فایدهلی بیلهدی؛ بیراق ایتیشیچه، کوپینچه قیینچیلیکلرگه روپهره بولیب تورگنلر و حکومت دن بو قیینچیلیکلر حل ایتیلیشی خصوصیده چاره تدبیر کوریشینی سورهگن.
اوشبو کورگزمه یولگه قوییلگن بیرچاغده، حکومت مسؤوللری تامانیدن بیریلگن رقم گه کوره، مملکت بویلب کمیده 7 میلیون عیال نینگ خاص بیر ایشی یوق دیر و یالغیز اوی ایشلری بیلن شغللنهدیلر.
شو توغریده…
کابلده ترکمن عیاللرینینگ قول صنعتلرینی دایمی کورگزمهسی آچیلدی
