بوگون «یکشنبه» کابلده ترانسپورت، فواید عامه، صناعت و سوداگرلیک، مالیه وزیرلیکلری و ترافیک ریاستی، بلندتناژلی موترلرنی یوکی کنترول ایتیلیشی و یوک تاشووچی موترلرده پلیت قوندیریلیشی اوچون قوشمه ییغین یولگه قویگنلر.
اوشبو ییغینده فواید عامه وزیری یما یارینینگ ایتیشیچه، حاضر بوتون مملکت جادهلریدن 25% بوزیلگن و قیته قوریلگن صورتده، میلیونلرچه دالر خرجت کوترهدی.
یاری گه کوره، اولر سکتوری ادارهلر بیلن اویغونلیکده بلندتناژلی نقلیه واسطهلرنینگ آغیرلیگینی کنترول قیلیش اوچون ریجه تیارلگنلر و بو ریجه اساسیده، ترانسپورتی شرکتلردن تعهد آلینیب، معیاردن آرتیق یوک قید ایتیلیب، برچه ترازولرده کمره قوندیریلیب و اولر مرکزدن نظارت قیلینهدی. شونینگدیک، قتناو یوللرده سیار تیم ایجاد ایتیلیب، ساختهکارلیک قیلگن ترانسپورتی شرکتلر جریمه بولیب و جوازلری لغو ایتیلهدی و کنترول قیلووچی ایشیکلر قوریلهدی.
یارینینگ ایتیشیچه، جادهلر بوزیلیشی مملکت و کیلهجک نسل برابریده ملی خیانت سنلهدی.
شونینگدیک، اوشبو ییغینده ترانسپورت وزیری حمید طهماسی، بلندتناژلی نقلیه واسطهلرنی هیداوچیلریدن نقلیه واسطهلرینینگ پلیتلرینی مشخص بیر ییرده قوندیریشلرینی طلب قیلدی.
اونگه کوره، بو ایش حکومت درآمدی بیجای کیتیشی گه توسیق بولهدی.
اوشبو ییغینده مالیه وزیرلیگینی سرپرستی همایون قیومینینگ ایتیشیچه، یوللر و جادهلر اساسی نیازلردن سنلهدی و هیداوچیلر جادهلر بوزیلمهسی اوچون دقت قیلیشلری کیرهک.
اونینگ آگاهلنتیریشیچه، قاعدهلرگه قرشی حرکت قیلگن کیشیلر و شرکتلر جریمه ایتیلیب و توارلری قید ایتیلهدی.
