افغانستان جمهور رئیسی محمداشرف غنی، بلخ ولایتی گه قیلگن تورتینچی سفریده اوشبو ولایتنینگ خلم تومنیده قوریلگن 220 کیلووات برق سباستیشنی و آلمان مملکتینینگ بلاعوض یاردملریدن 7.6 میلیون یورو خرجت کوتریب مارمل تومنیده قوریلگن برق ییتکزیش ترماغینی آچدی.
اوشبو ایکی پروژه آچیلیشی نتیجهسیده 18 مینگدن آرتیق عایله برق دن فایدهلنیشی ممکن.
جناب غنی، بو توغریده سوو و برق وزیرلیگینینگ اورین باسری گلمحمد خلمی و برشنا شرکتینینگ باشلیغیدن قدردانلیک بیلدیردی، بیراق سوو و برق وزیری توغریسیده سوز یوریتمهگن.
جمهور رئیس غنینینگ اوشبو سفریده سونگی سوو تاشقینلریدن زیان کورگن عایلهلرگه یاردم بیریش یانیده، سیلاولرگه تیگیشلی مسئلهلر و نمایندهلر کینگشی بیلن تومنلر کینگشی سیلاولری تعیین ایتیلگن زمانیده یولگه قوییلیشی توغریسیده، صحبت قیلینگن.
خلم تومنیدهگی 220 کیلوواتلی برق سباستیشنی اوتگن هفته سوو و برق وزیری علیاحمد عثمانی تامانیدن آچیلیشیگه قرار قیلینگن ایدی، بیراق حامد کرزی هوا قونالغهسیده امنیتی کوچلر اونینگ بلخ گه قیلهدیگن سفریگه توسیق بولگن. سلاموطندارنینگ اختیاریده توشگن معلومات اساسیده، بو قضیه جمهور رئیسنینگ بویروغی اساسیده یوز بیرگن.
