هلمند ولایتی نینگ گرمسیر تومنینی ایریم قسمتلری و بو ولایت نینگ جنوبی ده طالبان گروهی فعالیت قیلهدی و شونینگدیک، خانشین و دیشو تومنلریده کینگ شکلده جای آلگنلر و بو تومنلر مذکور گروه نینگ جنگریلرینی نظارتیده دیر.
هلمند ولایت کینگشی باشلیغی عطاالله افغان نینگ ایتیشیچه، پاکستانلیکلر تیزیم شکلده روخام تاغی اینیقسه بلوجستان نینگ رباط منطقهسی گه یقین دیشو و خانشین تومنلریگه تیگیشلی منطقهلردن اختیاری شکلده آلتین کانلرینی قازیب چیقاریش گه باشلهگن و قازیب چیقارگن آلتینلرنی هوا و ییر آرقهلی بلوچستان ایالتیدن مرکزلریگه قاچاق قیلهدیلر.
جناب افغان نینگ ایتیشیچه، بو ینگی بیر موضوع ایمس؛ بیراق آلتین کانلرینی قازیب چیقاریش و قاچاق قیلیش سونگی آیلرده شدت تاپگن.
خانشین تومنینی سابق ولسوالی نجیب بلوچ نینگ ایتیشیچه، پاکستانلیک مهندسلر آلتین کانلرینی دواملی شکلده قازیب چیقارهدیلر.
عینحالده، هلمند حاکمی محمدیاسین خان نینگ ایتیشیچه، نیچه پیت آلدین اوچ ریجهنی جمهورلیک ریاستی بیلن شریک قیلگن و مذکور ریجهلر قبوللنگن صورتده، دیورند چیگرهسی نینگ ییقینلریده بولگن کانلرنینگ امنیتی تامین ایتیلهدی.
شوتوغریده…
- دوبی خلق ارا ییغینیده کانلرنی قازیب چیقاریش 43 پروژه اعلان بولدی
طالبان و داعش کانلر ناقانونی شکلده قازیب چیقاریلیشیدن فایدهلنهدی
هلمند ولایتی کینگش باشلیغی عطاالله افغان نینگ ایتیشیچه، حکومت ایستهگن حالده، بیر کندک ایجاد قیلیش بیلن کانلر امنیتینی تامین قیله آلهدی.
عینحالده، طالبان سوزلاوچیسی قارییوسف احمدی بیر خبرنامه آرقهلی، هلمند ولایتینینگ تومنلریده کانلرنی ناقانونی شکلده ایشلب چیقاریلیشینی رد قیلگن و هیچبیر پاکستانلیککه آلتین کانلرینی ایشلب چیقاریش اوچون رخصت بیریلمهیدی دیگن.
