بوگون «جمعه» هراتده 4 کته منطقهیی پروژه جملهدن تاپی، تاپ، تورغندی تیمیر یولی و فایبرنوری پروژهلرینی عملی ایشی رسمی شکلده باشلندی. هرات شهریده اوشبو مناسبت مراسمیده افغانستان و ترکمنستان جمهور رییسلری، پاکستان باش وزیری و هندوستاننینگ تشقی ایشلر بوییچه دولت وزیری شرکت قیلگنلر.
جمهور رییس محمداشرف غنی، بو پروژه باشلهنیشینی مملکتده اوزگریش باشلهنیشی دیب اورغولشیچه، اوشبو پروژه افغانستان اوچون یوقاری اقتصادی اهمیتگه ایگه دیر. جمهور رییسنینگ کوپهیتیریشیچه، مذکور پروژه منطقه همکارلیکلرینی کوپهیتیره دی، اهالی دسترخوانلریده اوزگریش کیلهدی و یوزلرچه کیشی ایش بیلن تأمینلنهدی. اونینگ کوپهیتیریشیچه، تاپی پروژهسی بیزلرنینگ کم بغللیکدن ثروت گه ییتکیزهدی، بیزلر اوچون یاروغلیک و یاغدولیک کیلتیرهدی، منطقه بوییچه ایشانچ کیلتیریب و ایشانچسیزلیکنی ایشانچ گه اوزگرتیرهدی.
جمهور رییسنینگ سوزلرینی باشقه بولیمیده ایتیشیچه، افغانستان اهالیسی اوتمیش قمراویده ایمس، بلکیم کیلهجک اوچون اویلهیدی و کوپهیتیریشیچه، افغانستان اهالیسی هیچ بیر مملکت بیلن دوشمن ایمس دیر و یالغیز ملی منفعتینی ایزلهیدی و بو توغریده منطقهیی همکارلیکلر مرکزیگه اوزگریش اوچون سعی و حرکت قیلهدی.
ترکمنستان جمهور رییسی قربان قُلی بردی محمدوف، سوزلری جریانیده اولکهسی بیلن افغانستان همکارلیکلری کینگهییشی اوستیگه تأکیدلهیدی. او، تاپی پروژهسی عملی بولیشینی پروژه گه شامل مملکتلر اوچون کته یوتوق بیلیب و کوپهیتیریشیچه، بو پروژه افغانستان اقتصادی و خوفسیزلیگی اوستیگه کینگ ایجابی تأثیر قویهدی. اوشبو مراسمده ترکمنستان جمهور رییسینینگ سوز بیریشیچه، مملکتی باشقه رواجلنتیریش پروژهلر توغریسیده افغانستانگه یاردم بیرهدی.
پاکستان باش وزیری شاهدخاقان عباسینینگ ایتیشیچه، پاکستان منطقهیی سوزلرینی توتهدی و پاکستاننینگ اوزاق مدتلی اقتصادی مقصدی، منطقه برقرارلیگینی تأمینلش دیر. او، افغانستان یوتوقینی پاکستاننینگ یوتوقی بیلیب کوپهیتیریشیچه، افغانستانده رواجلنیشگه سبب بولهدیگن اقتصادی پروژهلردن پاکستان حمایت قیلهدی.
عین حالده، هندوستان تشقی ایشلری بوییچه دولت وزیری مبشر جاوید اکبر، منطقهده افغانستان رولینی اونملی بیلیب ایتیشیچه، افغانستانده یوز بیرگن قیینچیلیک بوتون منطقهنی تأثیر آستیده قرار بیرهدی. او، تاپی پروژهسینی منطقه مملکتلری اوچون اونملی دیب و اورغولشیچه، بو پروژه یخشی بیر شکلده عملگه آشیریلیشی اوچون هندوستان دییرلیچه رول اوینهیدی.
تاپی پروژهسینی ترکمنستانگه تیگیشلی ایشی ایکی ییل آلدین ترکمنستان، افغانستان، پاکستان و هندوستان مملکتلرینینگ رهبرلری آرقهلی آچیلدی و جمعه کون یکونلندی. ترکمنستان گازینی افغانستان آرقهلی پاکستان و هندوستان انتقال بیرهدیگن 1814 کیلومتر اوزونلیگی بولگن لوله بهاسی 22 میلیارد و 500 میلیون دالر تخمین ایتیلگن.
اوشبو لولهنی 800 کیلومتردن آرتیقراغی افغانستان توپراغیگه ییتیشهدی و هرات، فراه، نیمروز، هلمند و قندهار ولایتلریدن اوتیب میلادی 2019- ییلگچه یکونلنهدی. اوشبو پروژه افغانستان اوچون یوقاری اقتصادی اهمیتگه ایگه بولگن؛ چونکه بو پروژه مینگلرچه کیشینی ایش بیلن تأمینلهیدی و ییلده 400 میلیون دالردن آرتیق پول دولت نصیبی بولهدی. بونگه قوشیمچه، بیرینچی اون ییلده هر ییل 500 میلیون متر مکعب، ایکینچی اون ییلده 1 میلیارد متر مکعب و اوچینچی اون ییلده 1.5 میلیارد متر مکعب گاز اوشبو پروژهدن افغانستانگه ییتیشهدی.
