نمایندهلر کینگشینینگ مالی و بودجه کمیسیونی، بوگون اوشبو کینگشنینگ عمومی ییغینیده، معارف، قیشلاقلرنی رواجلنتیریش، شهر قوریش و فواید عامه وزیرلیکلرینینگ رواجلنتیریش بودجهسی صرف ایتیلگن گزارشینی ارایه قیلدی.
اوشبو گزارش اساسیده، جاری مالی ییلنینگ بیرینچی 5 آییده قیشلاقلرنی رواجلنتیریش وزیرلیگی 7.18%، فوایده عامه وزیرلیگی 14.15% و معارف وزیرلیگی 5% رواجلنتیریش بودجهلریدن صرف قیلگن.
مذکور کمیسوننینگ گزارشی گه کوره، ینگی مالی ییلده باشقه بودجهیی واحدلردن 254 ینگی پروژه شهر قوریش وزیرلیگی گه انتقال بیریلگن.
نمایندهلر کینگشینینگ مالی و بودجه کمیسیونی اورین باسری عظیم محسنینینگ ایتیشیچه، مذکور وزیرلیکلرده رواجلنتیریش بودجه خرجتی کَملیگی خواطرلی دیر.
محسنی گه کوره، معارف وزیرلیگی 205 رواجلنتیریش پروژهسی اوچون بودجه کَملیگی و شهر قوریش وزیرلیگی رواجلنتیریش پروژهلری تطبیق ایتیلیشی اوچون ییر یوقلیگیدن شکایت قیلهدیلر.
محسنینینگ کوپهیتیریشیچه، نمایندهلر کینگشینینگ مالی و بودجه کمیسیونی قراری اساسیده، معارف و شهر قوریش وزیرلیکلری جایداد و استملاک یوقلیگیگه روپهره بولگن برچه پروژهلرینینگ رویخطینی، بو کمیسیون گه یوباریشی کیرهک.
قویاش 1397- مالی ییل بودجه حجتیده قیشلاقلرنی رواجلنتیریش وزیرلیگیگه 18 میلیارد افغانی، فواید عامه وزیرلیگی اوچون 13 میلیارد افغانی و معارف وزیرلیگی اوچون 480 میلیارد افغانی نظرگه آلینگن.
نمایندهلر کینگشینینگ مالی و بودجه کمیسیونی اعضالریگه کوره، قویاش 1397- مالی ییل بودجهسی اوتگن ییلگه نسبتن 6% کمهیگن.
