افغانستان بوییچه آمریکا قوشمه ایالتلری نینگ ایلچیخانهسی، کابلده «The Afghan Shark Tank Panel» نامیده اوچینچی و سونگی «شارک تانک» تدبیرکارلیک سمینارینی یولگه قویدی. اوشبو سمینار افغان اوقووچیلر تشکیلاتی یا-ده (OAA) همکارلیگی بیلن یولگه قوییلگن.
شارک تانک اوچینچی دور سمیناری قیته کوریب چیقیلهدیگن انرژیلر، ایکینچیلیک، ساغلیک خذمتلری و اورگتیش و تربیهلش بولیملریده اینگ یخشی 11 غایه گه بازار تاپیش اوچون اوتکزیلگن.
سلاموطندارگه صحبت بیرگن آمریکا ایلچیخانهسینی اقتصادی اتشهسی مارک مالونی نینگ ایتیشیچه، شارک تانک اوچینچی تدبیرکالیک سمیناریده اشتراک قیلگنلرنینگ ایشلری یخشی کورینگن و اولر تامانیدن ارایه ایتیلگن برنامهلر و غایهلر اوستون بولیب و بو موضوع برنامه هیجانینی آشیرگن.
مالونی نینگ کوپهیتیریشیچه، آمریکا بزنسی نی کمیده 62% سونگی 80 ییلده کیچیک ایشلردن باشلنگن. اونگه کوره، هر بیر کته بزنس کیچیک ایشدن باشلهنیب و کیین کینگ شکلده رواجلنگن.
مارک مالونی نینگ امید بیلدیریشیچه، افغانستان یاش تدبیرکارلری ایشلرینی یخشی بیر شکلده رواجلنتیره آلهدیلر.
عین حالده، سلاموطندارگه صحبت بیرگن آمریکا ایلچیخانهسی اورین باسری جمیز دهارت نینگ ایتیشیچه، بو برنامه تدبیرکارلرگه فرصت یرهتهدی و غایهلری حمایت قیلینیشی توغریسیده سرمایه یاتقزووچیلرنی قانیقتیرهدیلر. جناب دهارت گه کوره، تدبیرکارلیک ایشسیزلیک کمهییشی خصوصیده یاردم بیرهدی.
اونینگ کوپهیتیریشیچه، بو فرصت افغانستاننی منطقه و جهان مملکتلریگه اولش اوچون ییچیم یول دیر.
شارک تانک نیمه؟
شارک تانک آمریکاده تلویزیونی بیر برنامه دیر و بو برنامه تدبیرکارلرنی بیر-بیراوی بیلن باغلهیدی. بوندهی برنامهده سرمایه یاتقزووچی شارک دییلهدی و تدبیرکارلر سوداگرلیک غایهلرینی سرمایه یاتقزووچی گروهلرگه تانیشتیرهدی.
سرمایه یاتقزووچیلر اساسی سوراقلر بیلن غایه اهمیتینی تیکشیرهدی و بیر غایه سرمایه یاتقزووچی تامانیدن قبول قیلینگن صورتده، تدبیرکار بیلن معامله قیلینهدی.
