ینگی سالنگ قیه قوریش نینگ دستلبکی لایحهسی یقینده باشلنهدی. بونینگ شرطنامهسی فواید عامه وزیرلیگی بیلن آسترلیالیک بیر شرکت اورتهسیده قول قوییلدی. لایحه نینگ عمومی خرجتی 19.6 میلیون دالر دییلگن.
افغانستان فواید عامه وزیری محمد بلیغ کابلده بوگون ایتیشیچه، مذکور شرطنامه گه کوره، خاواک – خنجان دوشی – بامیان دن تونل اوریش امکانیتی همده موجود سالنگلرنی قیته قوریلهدی.
جناب بلیغ، موجود سالنگ روسیهلیکلر تامانیدن بوندن 50 ییل آلدین قوریلگن ، شونینگدیک اوروش ییللریده موجود تونل جدی زیان کورگن دیدی. ینگی بیر تونل قازیشگه جدی احتیاج بار دیدی وزیر.
حکومت نینگ اجراییه ریاستی باشلیغی عبداللهعبدالله، ینگی تونل قوریب بیریلیشی ملی بیرلیک حکومتی نینگ افغانستان خلقیگه بیرگن وعدهسی نینگ بیر بولمی حسابلنهدی دیگن. افغانستان قیته قوریلیشی اوچون آسیا ترقیات بانکی همده جاپان دولت نینگ کورستگن یاردملریدن منتبدارلیک قیلگن جناب عبدالله.
اسیا ترقیات بانکی نیگ رییسی توماس پنیلا جاپان ایلچیسی میتسوجی سوزوکالرنینگ ایتیشیچه، افغانستان منطقه اوچون ییریک بیر کوپریک اولهراق مخصوص اهمیتگه ایگه.
