افغانستان تجارت و صناعت اتاقی نینگ مسووللری، تورخم و سپین بولدک بندری پاکستان تامانیدن یاپیب قوییلگندن سونگ افغانستان بازارلریده میوه ینه کوکتلر نرخیگه تاثر قالدیرگن دیدیلر.
بوگون (شنبه) سلاموطندارگه مخصوص صحبت بیرگن مملکت تجارت و صناعت اتاقی نینگ سوزلاووچیسی صیام پسرلی، حاضر پاکستان میوهلرینی افغانستان و مرکزی آسیاگه صادر قیلیش فصلی دیگن. شونینگ اوچون بو ایشدن کوپراق پاکستان خصوصی بولیمی زیان کورهدی دیگن او.
تورخم و سپین بولدک چیگرهسی پاکستان آرقهلی افغانلر یوزیگه یاپیب قوییلیشی ییگولیک آزیق آوقت نرخیگه تاثیر قالدیرمهگن دیدی جناب پسرلی. افغانستان تجاری تَورلرینی مرکزی آسیا ینه چابهار بندری آرقهلی مملکتگه آلیب کیلیشی نرخلر کوتاریلشی آلدینی آلگن لیگی ایتیلهدی.
عین حالده، کابلدهگی بیر قنچه سوداگر ینه دکاندارلر، تورخم و سپین بولدک چیگرهسی پاکستان حکومتی آرقهلی افغانلر یوزیگه یاپیگنلیگیگه 8 کون بولیشیگه قرهمسدن، مملکتده فقط میوه و کوکت نرخی کوتاریلگن دیدیلر.
کابللیک دکاندارلردن غلام سخی، پاکستان یولی باغلنمسدن آلدین بیر چارک کینو 50 افغانی ساتیلردی لیکن هلی ایسه 100 افغانی ساتیلهدی دیگن.
کابلدهگی کوکت ساتووچیلردن بیری خالد، یالغوز پاکستاندن آلیب کیلینه دیگن کوکت نینگ نرخی بیر آز کوتاریلگن دیدی. اون کون آلدین بیر کیلو پمَدیر 30 افغانی ایدی هلی ایسه 90 افغانیگه کوتاریلگن لیگینی ایتهدی.
سونگی بیر آی ایچیده پاکستانده کیتمه – کیته یوز بیرگن پارتلش و انتخاری هجوم دن سونگ بو مملکت رسمیلری تورخم ینه سپین بولدک چیگرهسینی افغانالر یوزیگه یاپیب قویدی.
