فراه ولایتیده ایسیقخانه محصولاتلر بهاسی تکرارسیز شکلده کمهیگنی مذکور ولایت یشاوچیلری و ایکینچیلری نینگ تنقیدی گه سبب بولدی. فراه ولایتی ایکینچیلری نینگ ایتیشیچه، حاضر تربوز کیلوسی بیر افغانی، بادرنگ کیلوسی بیر یریم افغانی، پامدیر و قاره بادنجان کیلوسی ایکی افغانی بازارلرده ساتیلهدی.
اولرنینگ ایتیشیچه، ایسیقخانه محصولاتلر بهاسی کوتیلمهگن حالده کمهیگنی باعث، ایکینچیلر سبزوات ایکینی اوچون صرفلهگن خرجتی نی قولگه کیریته آلمهیدیلر.
شونینگدیک، فراه یشاوچیلریدن بیرقطاری، حکومت اینیقسه ایکینچیلیک وزیرلیگی نینگ دقتسیزلیگی دن تنقید قیلیب ایتیشیچه، باشقه ولایتلرده پامدیر کیلوسی 40 افغانی گچه ساتیلهدی، بیراق بو محصول فراه ده ایکی افغانی ساتیلهدی.
فراه ولایتی ایکینچیلیک ریاستی باشلیغی منان متین، اوشبو ولایتده ایسیقخانه محصولاتلر بهاسی کمهیگنینی سبزوات محصولاتی کوپهیگنی و اوتگن نیچه کونلیک رخصتیلرگه نسبت بیرهدی.
اونینگ ایتیشیچه، بو ییل یالغیز تربوز حاصلی 670 مینگ تُن دن 790 مینگ تُن گه آشگن.
فراه ایکینچیلیک ریاستی باشلیغی نینگ کوپهیتیریشیچه، مذکور ولایتده 500 تُنلیک بیر موزخانه قوریلیشی ملی تدارکات ادارهسیده تیکشیریش باسقیچی ده قرار تاپگن.
ایسیقخانه محصولاتلر سقلهنیشی اوچون موزخانه یوقلیگی، اوشبو محصولاتلر چیتایل مملکتلرگه صادر ایتیلمهگنی و فراه ولایتیده دوام ایتیب کیلهیاتگن ناتینچلیکلر، مذکور ولایتده سبزوات بازاری سینیشی گه سبب بولگن.
شو توغریده…
