بوگون «دوشنبه» کابلده تورلی میوهلی درختلر ملی خزینهسینی 10 ییللیگیدن نشانلش مراسمده ایکینچیلیک، چارواچیلیک و سوولنتیریش وزیرلیگینی وزیری نصیراحمد درانینینگ ایتیشیچه، افغانستان میوهلی درختلرینی ملی خزینهسی میلادی 2008- ییلده ایجاد ایتیلگن و بو خزینه اورته آسیا مملکتلری آرهسیده تینگسیز دیر.
ایکینیچیلیک وزیریگه کوره، اوشبو خزینهده 930 دن آرتیق تورلی ثمرلی میوهلر سَقلنهدی و شونینگدیک مذکور میوهلی درختلر خزینهسی باغدارلر، طلبهلر و ایچکی و خلقارا خصوصی نهادلرگه تدقیقاتی بیر مرکز صفتیده تانیلگن.
درانی جنابلرینینگ ایتیشیچه، اوشبو خزینهده ثمرلی درختلرنی ورایتیلری خلقارا معیارلرنی حساب گه آلیب اوقیب و انیقلنگن.
ایکینچیلیک وزیرینینگ اورغولشیچه، مذکور کلکسیوندن کیفیتلی محصولاتلرنی ایشلب چیقاریش توغریسیده، اصلاحلنگن تخملرنی ایشلب چیقاریشی خصوصیده فایدهلنهدی.
افغانستان بوییچه اروپا بیرلشمهسینینگ نمایندهسی ماوریت سیوسیان افغانستاننینگ میوهلی درختلرینی گنجینهسینی ارزشلی « ژنتیکی خزینه» صفتیده ایسلب ایتیشیچه، اوشبو گنجینهدن افغانستان اقتصادی نی ترقیاتی اوچون فایدهلنیشی کیرهک.
ایکینچیلیک، چارواچیلیک و سوولنتریش وزیرلیگی مسئولرینینگ ایتیشیچه، مذکور ملی خزینهده افغانستانده موجود میوهلی درختلردن 95 فایزی سَقلنهدی.
