افغان پست خذمتلرینی مدرنیزه قیلیش و کینگیتیریش پروژهنی بیرینچی باسقیچی یکونلندی.
افغان پست خذمتلرینی مدرنیزه قیلیش پروژه آچیلیش مراسمیده افغان پست باشلیغی احمدوحید ویس نینگ ایتیشیچه، مذکور پروژهنی بیرینچی باسقیچیده دیجیتلی جهازلر جملهدن پارسللاکر و پستی صندوقلر قوندیریلیب و فعال قیلینگن و شونینگدیک، دولتی حجتلرنی ایزلش تیزیم ایجاد ایتیلیب و افغان پست بِناسی ریجهلشتیریلگن.
جناب ویس گه کوره، افغان پست مدرنیزه بولگنیدن سونگ، حاضر مذکور اداره 463 پستهخانه آرقهلی مملکت یشاوچیلری اوچون شهرلر و قیشلاقلرده پستی خذمتلرنی ییتکیزهدی و شونینگدیک، خلق ارا 25 ترانزیتی پستهخانه دفتری آرقهلی مملکت نینگ بوتون پستهخانه ادارهلری بیلن علاقهده دیر.
افغان پست باشلیغی نینگ ایتیشیچه، بو پروژهنی ایکینچی باسقیچی جاری ییل عملگه آشیریلهدی و ایکینچی باسقیچی ایسه الکترونیکی سوداگرلیک خذمتلرنی یولگه قوییش، خلق ارا مالی تیزیم آرقهلی مالی خذمتلر، پست آرقهلی لوژستیکی خذمتلر، مبایل آپلیکیشن، فایبرنوری ترماغی گه ولایتی پستهخانهلرنی اولَش و مدرنیزه قیلیش و مذکور ریاست نینگ اداری دفترلریده آچیق فضا ایجاد قیلیشدن عبارت بولگن.
عین حالده، افغانستان مخابرات و معلومات وزیرلیگی نینگ وزیری شهزادگل آیوبی، پستهخانهلردن کوپینچهسی فایبرنوری ترماغی گه اولنگنینی کته بیر یوتوق بیلیب ایتیشیچه، بوندن کیین مملکت یشاوچیلری افغان پست خذمتلری آرقهلی چیتایل مملکتلرگه آز خرجت بیلن نقد پول یوباره آلهدیلر.
افغان پست خذمتلرینی مدرنیزه قیلیش پروژهنی بیرینچی باسقیچی اوتگن ییل باشلهنیب و بو ییل یکونلندی.
