مملکت جمهور رئیسی محمداشرف غنی، کمیده بیر آی آلدین پکتیا ولایتی گه سفر قیلیب و بو ولایتده مامورلر شهرچهسی، صنعت شهرچهسی، گردیز-زرمت جادهسی و پولیس قومندانلیگی بِناسینی پروژهلرینینگ ایشینی باشلهگن ایدی.
بیراق، پکتیا مدنی فعاللری و ولایتی کینگش اعضالریدن بیرقطاری، ایسلنگن پروژهلرنینگ ایشی باشلنمهگنیدن تنقید قیلیب ایتیشیچه، رسمیلر رواجلنتیریش پروژهلرنی آچهدی؛ لیکن اولرنی عملی ایشی باشلنمهیدی.
اولرگه کوره، جمهور رئیس پکتیا ولایتی گه قیلگن سفریده نیچه پروژهنینگ ایشینی آچگن ایدی؛ بیراق اوشبو پروژهلرنی قوریلیش ایشی حاضرگهقدر عملی شکلده باشلنمهگن.
بیراق، پکتیا حاکمی شمیمخان کتوازینینگ ایتیشیچه، ایریم پروژهلرنی ایشی امنیتی تهدیدلر سبب، آرتده قالگن و بو پروژهلرنی ایشی باشلهنیشی امنیتی تدبیرلر آلینگن.
پکتیا ولایتینینگ هواسی ساووقلیگی سبب، اوشبو ولایتده رواجلنتیریش پروژهلرنی ایشی باشلنمهگن صورتده، ساووق موسومی ییتیشگنده اولردن کوپینچهسینی ایشی یکونلنمهیدی. شو یوزهدن پکتیا مدنی فعاللری و ولایتی کینگش اعضالری، بو پروژهلرنی ایشی ایسیق موسوم ده باشلهنیشی اوستیگه تأکید قیلهدیلر.
