بوگون «سهشنبه» کابلده افغانستان صنعت جمغرمهسی، اجتماعی ایشلر، صنعت و سوداگرلیک، کانلر و مالیه وزیرلیکلری، برشنا شرکتی و کابل شهردارلیگینینگ مسؤوللری، صنعتی ایشخانهلرنینگ قیینچیلیکلریگه ییچیم یول تاپیش اوچون بیر ییغین یولگه قوییب بحث اوتکزگنلر.
افغانستان صنعت جمغرمهسینینگ عمومی باشلیغی سخیاحمد پیماننینگ ایتیشیچه، باشقه قیینچلیکلر چکهسیده برق کملیگی مملکت صنعتی ایشخانهلریگه قرشی اساسی قیینچلیکلردن دیر. جناب پیمان گه کوره، کابلده بولگن تولیدی ایشخانهلرنینگ حاضرده 140 میگاوات برققه نیازی بار.
صنعت جمغرمهسینینگ عمومی باشلیغیگه کوره، قیش موسومی ییتیب کیلیشی بیلن صنعتی ایشخانهلر برقینینگ ظرفیتی 50 فایز کمهیدی.
بیراق برشنا شرکتینینگ باشلیغی امانالله غالبنینگ ایتیشیچه، قطار ایشخانهلر برق پولینی توللمهگنی، ایشخانهلرگه یوقاری ظرفیتی بولگن ترانسفارمرلر نصب ایتیلمهگنی و صنعتی ایشخانهلر مسووللرینینگ همکارلیک قیلمهگنینی سبب اوشبو قیینچلیکلر حل ایتیلمهگن.
برشنا شرکتی باشلیغینینگ ایتیشیچه، اوشبو شرکت اختیاریگه بولگن جدول گه کوره، حاضرده صنعتی ایشخانهلرنینگ برق مصرفی 70 میگاوات، بیراق ایستکلرده 100 میگاوات دیر.
عینحالده، افغانستان صنعتی جمغرمهسی مسووللرینینگ ایتیشیچه، مملکت بوتون منطقهلریده بولگن تولیدی ایشخانهلرنینگ 700 میگاوات برققه نیازی بار.
اولرنینگ ایتیشیچه، صنعت پارکلر توزیع ایتیلیشی، خام مادهلرنینگ کیلتیریشی و کانالیزاسیونلر بولمهگنی مملکت ایشخانهلریگه قرشی باشقه قیینچلیکلردن دیر.
