مالیه وزیرلیگی مسووللری نینگ ایتیشیچه، 5 ییل ملی بیرلیک حکومتی دوریده، درآمد توپلش میزانی 110% کوپهیگن.
بوگون "یکشنبه" کابلده خبری ییغین اوتکزگن همایون قیومی نینگ ایتیشیچه، 1398- ییلده 22 میلیارد افغانی درآمد توپلنگن دیر.
جناب قیومیگه کوره، 1398- ییلده مالیه وزیرلیگی تامانیدن 188 میلیارد افغانی درآمد توپلش هدف تعیین ایتیلگن ایدی، بیراق اوشبو وزارت 208 میلیارد افغانی درآمد توپلشگه موفق بولگن.
مرکزی بانک سرپرستی واحدالله نوشیرنینگ بو ییغینده ایتیشیچه، افغانستانده مالی و اقتصادی اصلاحی برنامهلر عملگه آشیریلیشی بیلن مملکت پول ذخیرهسی 7.7 میلیارد دالردن 8.5 میلیارد دالرگه آشگن.
مالیه وزیرلیگی مسووللری نینگ ایتیشیچه، 1398- ییلده کینگیتیریش بودجهدن 95.4% اوشبو وزارت تامانیدن صرفلنگن و اوشبو رقم 1397- ییلده قرهگنده 12% کوپهیشنی کورستهدی.
