کابلده خبری بیر ییغینده نطق سوزلهگن کانلر و پترولیم وزیرلیگینی سرپرستی نرگس نهاننینگ ایتیشیچه، کانلر و پترول شفافیتی خصوصیده ایجاد ایتیلگن بیرینچی پورتال شرطنامهلرده کیریتیلگن شرایطلر جملهدن کانلر قندهی بیر شکلده قازیب چیقاریلیشی و پروژهلر قندهی بیر شکلده تطبیق ایتیلیشی توغریسیده شرطنامه باغلهگن شرکتلر و حکومتنینگ مسؤولیتلری، یشش محیطنی سقلش و کانلر جایلشگن منطقه اهالیسی اوچون اجتماعی خذمتلرنی عملگه آشیریشدن عبارت بولگن.
اونگه کوره، اوتگن 10 ییلده کابل و ولایتلرده عملگه آشیریلگن شرطنامهلر خصوصیده بولگن معلومات سیستمگه کیریتیلگن و بو معلوماتدن فایدهلنگن صورتده، برچه شرکتلرنینگ قرضلری بیللی بولهدی.
خانم نهاننینگ ایتیشیچه، تینگ رواجلنتیریش، کانلر بولیمیدهگی پروژهلرده مستقیم و غیر مستقیم شکلده دخیل بولگن دولت بلند مرتبهلی رسمیلری و نمایندهلر کینگشی اعضالریدن بیرقطاری توغریسیده بولگن معلومات و شونینگدیک، کانلر توغری شکلده قازیب چیقاریلیش میزانی بو پورتالده کیریتیلهدی.
کانلر و پترولیم وزیرلیگی سرپرستینینگ ایتیشیچه، اوشبو پورتال اهالی و دولت نمایندهلری جملهدن پولیس گه شرطنامهلر، ایستکلر، توللنگن مبلغلر، کانچیلیک فعالیتلری، کانچیلیک منطقهسی و قانونی و ناقانونی کانچیلیک توغریسیده بولگن معلومات گه قول تاپیش خصوصیده رخصت بیرهدی.
شونینگدیک، اوشبو سیستم کانلر و پترولیم وزیرلیگی گه معلوماتنی مسؤول ادارهلر بیلن شریک قیلیب و معیاری شکلده مدیریت قیلیش خصوصیده یاردم بیرهدی.
کانلر و پترولیم وزیرلیگی مسؤوللرینینگ ایتیشیچه، مملکت کانلری و پترول شفافیتی خصوصیده ایجاد ایتیلگن پورتال ایرکین شکلده چیتایللیک سرمایه یاتقیزووچیلر و کانلر بولیمیدن حمایت قیلهدیگنلرنینگ فعالیتی اوستیگه ایجابی تأثیر قویهدی.
