.jpg)
افغانستان؛ هر ییل ساووق موسوم ییتیب کیلیشی بیلن مملکت بازارلریده نفت محصولاتی اینیقسه سویق گاز بهاسی یوقاری کیتهدی.
سلاموطندارگه صحبت بیرگن نفت محصولاتی و سویق گاز تصدی ادارهسی سوزلاوچیسینی اورین باسری مستغنی خالهزایی نینگ ایتیشیچه، امریکا دالری برابریده افغانی پول بهاسی کمهیگنی، ساووق موسوم ییتیب کیلیشی و منطقهدهگی سیاسی اوزگریشلر باعث، مملکتده نفت محصولاتینی بهاسی کوتریلگن.
سویق گاز و نفت محصولاتی تصدی سوزلاوچیسی اورین باسرینینگ کوپهیتیریشیچه، اولر مملکتده نفت محصولاتینی بهاسی کوتریلیشی آلدی آلینیشی اوچون افغانستان گه قوشنی مملکتلردن کوپراق نفت آلیب کیلیش توغریسیده سعی و حرکت قیلهدیلر.
جناب خالهزایینینگ ایتیشیچه، مذکور تصدینینگ کابلده گاز ساتووچی 30 فعال غرفهسی بار و باشکینت بازارلریده گاز بهاسی کوتریلیشی گه توسیق بولهدی.
.jpg)
عین حالده، کابل یشاوچیلریدن بیرقطاری، نفت محصولاتی اینیقسه سویق گاز بهاسی کوتریلگنیدن خواطر بیلدیریب ایتیشیچه، مملکتده هر ییل ساووق موسومده نفت محصولاتینی بهاسی یوقاری کیتهدی و حکومت مسؤوللری، بو توغریده هیچ بیر ایش قیلمهیدی.
کابل یشاوچیلرینینگ ایتیشیچه، نفت محصولاتی تصدیسی گه تیگیشلی غرفهلر هفته یالغیز ایکی کون آچیق بولهدی و باشقه کونلرده آچیلمهیدی.
باشکینت بازارلریده شو کیچه-کونده بیر کیلو گاز 65-70 افغانی ساتیلهدی. حکومت رسمیلری هر ییل ساوو موسمده نفت محصولاتینی بهاسی کوتریلیشی گه توسیق بولیش اوچون سوز بیرهدی، بیراق بو سوزلر اونچهلیک عملگه آشیریلمهیدی.
