.jpg)
شفافیت اداره‌سی و طبیعی قیناقلر و یشش محیط‌دن نظارت قیلووچی ترماق مسؤوللری‌نینگ ایتیشیچه، کانلرنینگ ینگی قانونی بو توغریده هیچ قنده‌ی تجربه و معلوماتی یوق بولگن جمهور رئیس‌نینگ مصلحتچیسی اجمل احمدی آرقه‌لی تیارلنگن.
بوگون «چهارشنبه» خبری بیر ییغینده اوشبو اداره‌لرنینگ ایتیشیچه، بو قانون معیارسیز و جوده هم کوچسیز دیر. افغانستان شفافیت اداره‌سینی باشلیغی سیداکرام افضلی‌نینگ ایتیشیچه، جمهور رئیس‌نینگ مالی و بانکدارلیک ایشلری بوییچه مصلحتچیسی قانون بیلن سلیقه‌یی یانده‌شگن و بو قانون حاضرگی وضعیت گه جواب بیره‌آلمه‌یدی.
شفافیت اداره‌سی‌نینگ باشلیغی، اجمل احمدی‌نینگ مجهول‌الهویت بیر کیشی بیلیب ایتیشیچه، «اجمل احمدی چیت‌ایللیک‌لرنینگ منفعتی اوچون ایشله‌یدی.» افضلی حکومت‌دن قانون‌نی توشیح قیلیش‌ده شاشیلمه‌ی و مدنی جماعه‌چیلیک توشونچه‌سی قانون گه کیریتیلیشی‌نی سوره‌دی.
طبیعی قیناقلر و یشش محیط‌دن نظارت قیلووچی ترماق باشلیغی ابراهیم جعفری‌نینگ ایتیشیچه، ینگی قانون ده برچه صلاحیت‌لر اقتصاد عالی کینگشی گه قره‌تیلگن و کانلر وزیرلیگی‌نینگ رولی جوده هم آز دیر.
جناب جعفری گه کوره، اوتگن تورت ییل جریانیده کانلر و پترولیم وزیرلیگی قصدی شکلده کوچسیز سقلندی و سرپرست‌لیک فرهنگی بو اداره‌نینگ قیین‌چیلیک‌که دوچ کیلیشی گه سبب بولدی و اونینگ برچه صلاحیت‌لری باشقه اداره‌لرگه تاپشیریلدی.
.jpg)
طبیعی قیناقلر و یشش محیط‌دن نظارت قیلووچی ترماق باشلیغی‌نینگ کوپه‌یتیریشیچه، کانلرنینگ ینگی قانونی کیشی‌لرنینگ توشونچه‌سی اساس توزه‌لگن، لیکن دنیاده اداره‌لر اساسیده توزه‌له‌دی. او، کانلر و پترولیم وزیرلیگی‌نینگ سرپرست‌لیگی‌نی بو وزیرلیک کوچسیزلنیشی اوچون قصدی دسیسه و کانلر بولیمی‌ده ارگ نفوذی جایلشتیریلیشی دیب بیله‌دی.
افغانستان کانلریدن نظارت قیلیش ترماق و طبیعی قیناقلر و یشش محیط‌دن نظارت قیلیش ترماق نینگ ایتیشیچه، کانلر قانونی‌ده بولگن حاضرگی اوزگریش‌لر، نه‌فقط کانلر وزیرلیگی‌نینگ صلاحیتی‌نی تقلیل قیلگن؛ بلکیم کانلر قراردادلرینی اجرایی بولیمی‌دن قدرت کوچله‌نیشی گه سبب بوله‌دی.
جمهور رئیس‌نینگ مالی و بانکدارلیک ایشلری بوییچه ییریک مصلحتچیسی‌نی عامه‌وی علاقه مسؤولی سمیر رسانینگ ایتیشیچه، کانلر قانونی بوگون کابینه‌ده تصدیق‌لندی و جناب اجمل، مسؤول اداره‌لرنینگ اویغونلیگی‌ده ایشله‌یدی.
جناب رسانینگ کوپه‌یتیریشیچه، قانون ده مدنی جماعه‌چیلیک توشونچه‌لری کیریتیلگن، بیراق ایریم توشونچه‌لر اساسی قانون و باشقه قانونلرگه قرشی بولگنی سبب رد ایتیلگن.
افغانستان کانلر وزیرلیگی توغریسیده‌گی شکایت‌لر نیچه مرته میدیاگه چیققن و اوشبو وزیرلیک‌ده سرپرست‌لیک موضوعی ملی کینگش‌ده نیچه مرته جنجل چیقارگن.
