حکومت رسمیلرینینگ ایتیشیچه، تدارکات ادارهسی فعالیتگه باشلهگنیدن بویان دولت نفعیگه کمیده 35 میلیارد افغانی صرفهجویلیک قیلگن.
اوشبو رسمیلرگه کوره، تدارکات ادارهسی کیلهجک ایکی ییلده کوپینچه یوتوقلر قولگه کیریتیشی ممکن.
بوگون «پنجشنبه» کابلده اساسی اصلاحات و شفافیت نامیده عامهوی تدارکات ملی کنفرانسی یولگه قوییلدی.
اوشبو ییغینده مالیه وزیرلیگی سرپرستی محمدهمایون قیومینینگ ایتیشیچه، اوتگن تورت ییلده تدارکات ادارهسیده قولگه کیریتیلگن یوتوقلر مذکور اداره اوچون کته یوتوق سنلهدی؛ چونکه مذکور ادارهنینگ 159 ییغینده 2698 تورلی شرطنامه امضاءلهگن.
مالیه وزیرلیگی سرپرستینینگ کوپهیتیریشیچه، تدارکات ادارهسینینگ ینگی ابتکاری اساسیده، شرطنامهلر بستهلیک شکلده امضاءلنهدی و بو موضوع دولت ایشینی قولیلشتیرهدی.
شونینگدیک، اوشبو ییغینده اجراییه باشلیغی عبدالله عبدالله نینگ ایتیشیچه، اوتمیشده تدارکات کوپینچه قیینچیلیککه روپهره ایدی؛ بیراق تدارکات ادارهسی ایجاد ایتیلگنیدن بویان وضعیت یخشی بولگن.
اجراییه باشلیغی، تدارکات ادارهسی زمان اوتیشی بیلن یخشی بولیشی خصوصیده امید بیلدیرهدی.
تدارکات ادارهسی اوچ یریم ییل آلدین ایجاد ایتیلدی و بوگونکی ییغینده مذکور ادارهنینگ یوتوقلری و کمچیلیکلری اوستیگه بحث قیلینگن.
