.jpg)
افغانستانده برق یاریتوچی، برشنا شرکتی رسمیلرینینگ سلاموطندارگه ایتیشلریچه، اوزبیکستاندن کابل کیلتیرهدیگن برق پایهسی طالبلر تامانیدن پارتلنتیریلیشی سبب، بو شرکت کوپلب مالی نقصان کورگن.
بو رسمیلرنینگ ایتیشلریچه، شو کیچهلرده صرفلنهدیگن برق بیر کیلیواتی 32 افغانی هزینه کوترهدی؛ ولی کابل یشاوچیلریدن بو مصرفلردن 2 افغانی آلینهدی.
مذکور شرکت رسانهلر بوییچه باشلیغی وحیدالله توحیدی نینگ ایتیشیچه، برق پایهسی قیته قوریلگونگه قدر اهالیگه برق ییتکیزیش خذمتی دوام ایتیشی بیلن هر کیچه برق تولید قیلهدیگن ماشین 55 مینگ لیتر تیل مصرف قیلهدی.
حکومت رسمیلری نینگ بیلدیریشیچه، 5 کون آلدین جنگری طالبلر بغلان ولایتینینگ دندشهابالدین تومنیده اوزبیکستاندن کابل کیلتیریلهدیگن برق پایهلریدن بیرینی امنیتی کوچلر بیلن قیلگن توقنه شوولریده پارتلنتیردی. اما بو گروه اعلامیه ترقهتیشی بیلن برق پایهسی امنیتی کوچلر تامانیدن آتیلگن توپ توقنه شیش نتیجه سیده ییقیلگن دیب ادعا قیلگن.
شو کونکیچهلرده کابل یشاوچیلری 4 ساعتدن آشه برقنی کورمیدیلر.
.jpg)
اوتگن هفته پنجشنبه کونی امنیتی رسمیلری برق پایهسی ییقیلگن محل امنیتینی آلگن لیکلریدن خبر بیرگن ایدی و توشدن کیین ساعت بیرگه قدر محلده اورنه تیلگن ماینلرنی پاک قیلیشلرینی بیلدیرگن ایدیلر.
برشنا شرکتی نینگ رسمیلری هم آلتیدن 8 ساعتگه قدر برق پایهسینی ایشی تمام بولیشینی ایتگن ایدیلر.
اما برشنا شرکتی رسمیلری نینگ ایتیشیلریچه، شو حاضر هم ییقیلگن پایه اطرافیده اوروش جریانی بار و امنیتی کوچلر بولرنی محلده باریش اجازهسینی بیرمهگن.
امنیتی کوچلر بغلان ولایتینینگ دند غوری منطقهسیده قویاش 20 ناملی عملیاتنی باشله گن و عملیات رهبرلیگینی قیلهدیگن اردو کوچلر حربی اورین باسری جنرال مرادعلی مراد نینگ ایتیشیچه، حاضرگه قدر عملیاتلر نتیجهسیده 37 جنگری طالب هلاک و باشقه 21 جنگری طالب یرهلنگن.
